ಪದ್ಯ
ಸಾಹಿತ್ಯ: ಕಯ್ಯಾರ ಕಿಇ್ಞಣ್ಣ ರೈ
ಬೆಂಕಿ ಬಿದ್ದಿದೆ ಮನೆಗೆ ಓ ಬೇಗ ಬನ್ನಿ !
ಎಲ್ಲರೂ ಎದ್ದೆದ್ದು ಓಡಿ ಬನ್ನಿ !
ಕನ್ನಡದ ಗಡಿ ಕಾಯೆ,
ಗುಡಿ ಕಾಯೆ, ನುಡಿ ಕಾಯೆ
ಕಾಯಲಾರೆನೆ ಸಾಯೆ !
ಓ ಬನ್ನಿ ಬನ್ನಿ !
ಹಾರೆ ಗುದ್ದಲಿ ಕೊಡಲಿ ನೊಗ ನೇಗಿಲೆತ್ತುತಲಿ
ನೆಲದಿಂದ ಹೊಲದಿಂದ ಹೊರಟು ಬನ್ನಿ !
ಕನ್ನಡದ ನಾಡಿಂದ
ಕಾಡಿಂದ ಗೂಡಿಂದ
ಕಡಲಿಂದ ಸಿಡಿಲಿಂದ
ಗುಡುಗಿ ಬನ್ನಿ !
ಅಕ್ಕದಿರೆ ಅಣ್ಣದಿರೆ ತಂಗಿಯರೆ ತಮ್ಮದಿರೆ
ಬೇಗೆಯನ್ನಾರಿಸಲು ಬೇಗ ಬನ್ನಿ !
ಕನ್ನಡದ ಛಲವೊಂದೆ,
ನೆಲವೊಂದೆ, ಬಲವೊಂದೆ,
ನಾಡನುಳಿಸುವೆವೆಂದೆ
ಓಡಿ ಬನ್ನಿ!
ಕನ್ನಡದ ಕುಲಕೋಟಿಯೆಚ್ಚರೆಚ್ಚರವಿರಲಿ,
ಸಿಂಹ ಸ್ವಪ್ನವ ಬಿಟ್ಟು ಕೆರಳಿ ನಿಲಲಿ !
ಅನ್ನೆಯಕ್ಕೆಡೆಗೊಡದೆ,
ಅಂಗುಲ ನೆಲಂ ಬಿಡದೆ,
ಅನ್ಯರಂ ತಡೆ ಹಿಡಿದೆ
ನಾಡುಳಿಸಲಿ !
ಕೋಟೆಕೊತ್ತಲ ಕಟ್ಟಿ ಮಂದಿ ಮಾರ್ಬಲವಿಟ್ಟು
ಗಡಿಯನ್ನು ಗುಡಿಯನ್ನು ಕಾದ ಭಟರು
ಕನ್ನಡಿಗರೊಗ್ಗಟ್ಟು
ಧೀರ ದೀಕ್ಷೆಯ ತೊಟ್ಟು
ಪ್ರಾಣವನೆ ಪಣವಿಟ್ಟು
ಕಣಕಿಳಿದರು !
ಜಯತು ಭುವನೇಶ್ವರಿ, ರಾಜ ರಾಜೇಶ್ವರಿ
ಸಿರಿಗನ್ನಡಂ ಗೆಲ್ಗೆ ಶಿವೆ ಶಂಕರೀ !
ಏಳ್ಗೆ ಕರ್ನಾಟಕಂ
ಬಾಳ್ಗೆ ಕರ್ನಾಟಕಂ
ಆಳ್ಗೆ ಕರ್ನಾಟಕಂ
ಜಗದೀಶ್ವರೀ !
Padya
Benki biddide manege o bega banni!
Ellaru eddeddu odi banni!
Kannadada gadi kaaye,
Gudikaaye, nudikaaye
Kaayalarene saaye!
O banni banni!
Haare guddali kodali noga negilettutali
Neladinda holadinda horatu banni!
Kannadada naadinda
Kaadinda gudinda
Kadalinda sidlinda
Gudugi banni!
Akkadire annadire tangiyare tammadire
Begeyannarisalu bega banni!
Kannadada chalavonde,
Nelavonde, balavonde,
Naadanulisuvevende
Odi banni!
Kannadada kulakoti yecchareccharavirali,
Simhaswapnava bittu kerali nilali!
Anneyakkedegodade,
Angula nelam bidade,
Anyaram tade hidide
Naadulisali!
Kote kottala katti mandi maarbalavittu
Gadiyannu gudiyannu kaada bhataru!
Kannadigaroggattu
Deera deeksheya tottu
Pranavane panavittu
Kanakilidaru !
Jayatu bhuvaneshwari, rajarajeshwari
Sirigannadam gelge shive shankari!
Elge karnatakam
Balge karnatakam
Aalge karnatakam
Jagadeeshwari!
No comments:
Post a Comment