Anarogyada Simha (ಅನಾರೋಗ್ಯದ ಸಿಂಹ)

ಪದ್ಯ 

ಸಾಹಿತ್ಯ: ಅರುಣ ನರೇಂದ್ರ ಪಾಟೀಲ 

ಕಾಡಿನ ರಾಜ ಸಿಂಹರಾಯನು 

ಕಾಯಿಲೆ ಬಿದ್ದನು ಕೇಳಿ ಕಥೆ 

ಅನ್ನವು ಸೇರದು ನೀರೂ ಸೇರದು 

ರಾಜನಿಗಾಯಿತು ಬಹಳ ವ್ಯಥೆ 

ಅಡವಿಯಲಿರುವ ವೈದ್ಯರನ್ನೆಲ್ಲ 

ಸರದಿಯಂತೆ ಅವ ಕರೆಸಿದನು 

ಡಾ. ಜೀಬ್ರಾ ರಾಜನ ಪರೀಕ್ಷಿಸಿ 

ಬಾಯನು ತೆರೆಯಲು ಹೇಳಿದನು 

ವೈದ್ಯರ ಆಜ್ಞೆಯ ಮೀರಿದ ಸಿಂಹ 

ಬಾಯನು ತೆರೆದು ತೋರಿಸಿತು 

"ದುರ್ವಾಸನೆಯ ಉಸಿರಿದೆ " ಎಂದು 

ಡಾ. ಜೀಬ್ರಾ ಹೇಳಿದನು 

ಹೀಗೆ ಹೇಳಲು ಎಂಥ ಧೈರ್ಯ 

ಎನ್ನುತ ಸಿಂಹವು ಗರ್ಜಿಸಿತು 

ಸತ್ಯವ ಹೇಳಿದ ವೈದ್ಯನನು 

ಬೈದು ಹೊರಗಡೆ ಓಡಿಸಿತು 

ಮುಂದಿನ ಸರದಿ ಡಾ. ಹೈನಾ 

ಸಿಂಹದ ಬಾಗಿಲು ತಟ್ಟಿದಳು 

ನಾಡಿಯ ಹಿಡಿದು ನೋಡಿದ ನಂತರ 

ಬಾಯನು ತೆರೆಯಲು ಹೇಳಿದಳು 

"ಎಂತಹ ಸುವಾಸನೆ ನಿಮ್ಮ ಉಸಿರಲಿ"

ಎನುತ ಮುಖವನು ನೋಡಿದಳು 

ಸಿಂಹಕೆ ಕೋಪವು ನೆತ್ತಿಗೆ ಏರಿ 

"ಮುಖಸ್ತುತಿ ಮಾಡುವಿ" ಎಂದಿತು 

ಇರುವ ಸತ್ಯವ ಹೇಳಲು ಹೆದರಿದ 

ಹೈನಾಳನು ಹೊರ ಹಾಕಿಸಿತು 

ನಂತರ ಸರದಿ ಜಾಣವೈದ್ಯ ನರಿ 

ಬಾಗಿಲು ತಟ್ಟಿ ಒಳಬಂದಿತು 

ಸಾರ್ವಭೌಮರ ಉಪಚರಿಸುತ್ತ 

ಬಾಯನು ತೆರೆಯಲು ವಿನಂತಿಸಿತು 

"ಉಸಿರನು ಕುರಿತು ಏನು ಹೇಳುವಿರಿ"

ಎನ್ನುತ ಬಾಯನು ತೆರೆಯಿತು 

ಚಾಣಾಕ್ಷ ನರಿಯು ತಕ್ಷಣ ಹೇಳಿತು 

"ಶೀತದಿ ಮೂಗು ಕಟ್ಟಿದೆ ಒಡೆಯ 

ವಾಸನೆ ಏನು ತಿಳಿಯದು ನನಗೆ"

ಎನ್ನುತ ಕೇಳಿತು ಕ್ಷಮೆಯನು 

ಸಿಂಹದ ಕೋಪಕೆ ಬಲಿಯಾಗದೆ 

ಪಾರಾಯಿತು ನರಿಯು 

"ಉಪಾಯ ಬಲ್ಲವನಿಗೆ 

ಅಪಾಯವಿಲ್ಲ" ಎನ್ನುವುದೆ ನೀತಿಯು 

Padya

Kaadina raja simharayanu

Kayile biddanu keli kathe

Annavu seradu neeru seradu

Rajanigayitu bahala vyathe

Adaviyaliruva vaidyarannella

Saradiyante ava karesidanu

Dr. zebra raajana pareekshisi

Bayanu tegeyalu helidanu

Vaidyara aajneya meerada simha

Bayanu teredu torisitu

"Durvasaneya usiride" endu

Dr. zebra helidanu

Heege helalu entha dhairya

Ennuta simhavu garjisitu

Satyava helida vaidyananu

Baidu horagade odisitu

Mundina saradi Dr. hyena

Simhada bagilu tattidalu

Nadiya hididu nodida nantara

Bayanu tereyalu helidalu

"Entaha suvaasane nimma usirali"

Enuta mukhavanu nodidalu

Simhake kopavu nettige eri

"mukhastuti maaaduvi" enditu

Iruva satyava helalu hedarida

Hyenalanu hora haakisitu

Nantara saradi janavaidya nari

Baagilu tatti olabanditu

Saarvabhoumara upacharisutta

Bayanu tereyalu vinantisitu

"Usiranu kuritu enu heluviri"

Ennuta baayanu tereyitu.

Chanaksha nariyu takshana helitu

"Sheetadi mugu kattide odeya

Vasane enu tiliyadu nanage"

Ennuta kelitu kshameyanu

Simhada kopake baliyagade

Paarayitu nariyu

'Upaya ballavanige

Apaayavilla' ennuvude neetiyu