Aadiyanariyada Kattala Payanake (ಆದಿಯನರಿಯದ ಕತ್ತಲ ಪಯಣಕೆ)

Bhavageete

Sahitya: K S Nisar Ahmed

Aadiyanariyada kattala payanake

Antyada guriyilla;

Aganita dehava todutiha pranake

Lokadi teravilla.

Badukidu jeevada pahareya tirugu,

Saradige nildana;

Iruvo, mannina kannina beragu-

Bhuviya surapaana.

Swarnaaksharadali keertiya kettisi

Nadedavarilluntu;

Smaranasaktiya smarakavettisi

Madidavarilluntu.

Kaalada kadalali nenapina haayiya

Telisidavarelli?

Bhumiya tolali beeguta, maayeya

Solisidavarelli?

Premada nantanu habbisi prakruti

Uliside tannanne;

Tannutkarshake tantrava hooduta

Balaside baalanne.

Usirina melake jaga himmelava 

Kudisi kunisiralu,

Hasiro hasiru, hesaro hesaru-

Haadiyo bari neralu.

ಭಾವಗೀತೆ 

ಆದಿಯನರಿಯದ ಕತ್ತಲ ಪಯಣಕೆ 

ಅಂತ್ಯದ ಗುರಿಯಿಲ್ಲ;

ಅಗಣಿತ ದೇಹವ ತೊಡುತಿಹ ಪ್ರಾಣಕೆ 

ಲೋಕದಿ ತೆರವಿಲ್ಲ. 

ಬದುಕಿದು ಜೀವದ ಪಹರೆಯ ತಿರುಗು, 

ಸರದಿಗೆ ನಿಲ್ದಾಣ; 

ಇರುವೋ, ಮಣ್ಣಿನ ಕಣ್ಣಿನ ಬೆರಗು- 

ಭುವಿಯ ಸುರಾಪಾನ. 

ಸ್ವರ್ಣಾಕ್ಷರದಲಿ ಕೀರ್ತಿಯ ಕೆತ್ತಿಸಿ 

ನಡೆದವರಿಲ್ಲುಂಟು;

ಸ್ಮರಣಾಸಕ್ತಿಯ ಸ್ಮಾರಕವೆತ್ತಿಸಿ 

ಮಡಿದವರಿಲ್ಲುಂಟು.  

ಕಾಲದ ಕಡಲಲಿ ನೆನಪಿನ ಹಾಯಿಯ 

ತೇಲಿಸಿದವರೆಲ್ಲಿ? 

ಭೂಮಿಯ ತೋಳಲಿ ಬೀಗುತ, ಮಾಯೆಯ 

ಸೋಲಿಸಿದವರೆಲ್ಲಿ ?

ಪ್ರೇಮದ ನಂಟನು ಹಬ್ಬಿಸಿ ಪ್ರಕೃತಿ 

ಉಳಿಸಿದೆ ತನ್ನನ್ನೆ;

ತನ್ನುತ್ಕರ್ಷಕೆ ತಂತ್ರವ ಹೂಡುತ 

ಬಳಸಿದೆ ಬಾಳನ್ನೆ. 

ಉಸಿರಿನ ಮೇಳಕೆ ಜಗ ಹಿಮ್ಮೇಳವ 

ಕೂಡಿಸಿ ಕುಣಿಸಿರಲು, 

ಹಸಿರೋ ಹಸಿರು, ಹೆಸರೋ ಹೆಸರು-

ಹಾದಿಯೊ ಬರಿ ನೆರಳು.