Ravi (ರವಿ)

ಪದ್ಯ 

ಸಾಹಿತ್ಯ : ಸುಮನ ಬಾಗಲುಕೋಟೆ 

ಮೂಡಿದ ರವಿ ತಾನೋಡಿದ ನಭಕೆ,

ಹೊನ್ನಿನ ಕಾಂತಿಯ ಓಕುಳಿ ಜಗಕೆ,

ಸೃಷ್ಟಿಯ ಸೊಬಗಿನ ಶೋಭೆಯ ಬೀರಿ,

ಬಂದನದೋ ರವಿ ತಾಮೇಲೇರಿ. 

ಬೆಳಗು ಜಾವದೊಳೆರಗಿದ ಹಿಮಮಣಿ,

ಆರಿಸಿಕೊಂಡಿಹನದನಾ ದಿನಮಣಿ,

ಸೃಷ್ಟಿಯ ನೆಲೆಯೊಳ್ ಅಡಗಿದ ಚಿತ್ರ,

ಕಂಡಿತು ಕವಿಗದು ಬಹಳ ವಿಚಿತ್ರ. 

ಭುವಿಯೊಳು ಹರಡಿದ ಜಡವನು ಹೀರಿ,

ಕಂಗೊಳಿಸಿದ ರವಿ ಚೇತನ ಬೀರಿ,

ಜಗದೊಳು ಹರಡಿಸಿ ಚೆಲುವಿನ ಐಸಿರಿ,

ಬೆಳಗಿಹನೋ ರವಿ ಮಂಗಳ ಕೋರಿ. 

ಹೊರಟಿಹ ರವಿ ತಾ ಬಾನ್ದೆರೆ ಸೀಳಿ,

ಜಗಕಾಯಿತೊ ಕೆನ್ನೀರಿನ ಹೋಳಿ,

ಬರುತಿಹ ಸಂಧ್ಯೆಗೆ ಶುಭವನು ಕೋರಿ,

ಅಡಗಿದ ರವಿ ತಾಯ್ಮಡಿಲನು ಸೇರಿ. 

Padya

Moodida ravi taanodida nabhake,

Honnina kantiya okuli jagake,

Srushtiya sobagina shobheya beeri,

Bandanado ravi taameleri.

Belagu jaavadoleragida himamani,

Aarisikondihanadanaa dinamani,

Srushtiya neleyol adagida chitra,

Kanditu kavigadu bahala vichitra.

Bhuviyol haradida jadavanu heeri,

Kangolisida ravi chetana beeri,

Jagadolu haradisi cheluvina isiri,

Belagihano ravi mangala kori.

Horatiha ravi taa bandere seeli,

Jagakaayito keneerina holi,

Barutiha sandhyege shubhavanu kori,

Adagida ravi taimadilanu seri.