ಪದ್ಯ
ಸಾಹಿತ್ಯ : ರಾ. ಮೊ. ವಿಶ್ವಾಮಿತ್ರ
ಮರಗಿಡ ಬಳ್ಳಿಗೆ ಅಂದದ ಹಸುರಿನ
ಬಣ್ಣವ ಕೊಟ್ಟವರಾರಮ್ಮಾ !
ಹಾಡುವ ಹಕ್ಕಿಗೆ ಮಧುರದ ಕಂಠವ
ಇತ್ತವನಾವನು ಹೇಳಮ್ಮಾ !
ನೀಲಾಕಾಶದಿ ಸೂರ್ಯನ ಚಂದ್ರನ
ಓಡಿಸಿ ಆಡಿಪನಾರಮ್ಮಾ !
ಗಗನದಿ ತಾರೆಯು ಹೊಳೆಯುವ ತೆರದಲಿ
ನಿಲ್ಲಿಸಿದಾತನು ಯಾರಮ್ಮಾ !
ಗುಡುಗುಡು ಗುಮ್ಮನ ಗುಡುಗಿಸಿ ಬಾನಲಿ
ಮಳೆ ಹನಿಗರೆಯುವರಾರಮ್ಮ !
ಆಗಸವೆನ್ನುವ ದೊಡ್ಡೀಕೊಡೆಯನು
ಲೋಕಕೆ ಹಿಡಿದವರಾರಮ್ಮಾ !
ಕುಣಿಯುವ ನವಿಲಿಗೆ ಬಣ್ಣದ ಗರಿಗಳ -
ಒದಗಿಸಿಕೊಟ್ಟವರಾರಮ್ಮಾ !
ಆಡುವ ಗಿಳಿಗಾ ಮುದ್ದಿನ ಕೊಕ್ಕನು
ಕಲ್ಪಿಸಿಕೊಟ್ಟವರಾರಮ್ಮಾ !
ಅರಳುವ ಮೊಗ್ಗಲಿ ಪರಿಮಳ ತುಂಬಿಸಿ
ಲೋಕಕೆ ಹರಡುವರಾರಮ್ಮಾ !
ಹಾರುವ ತುಂಬಿಗೆ ಹೂವಿನ ಗೆಳೆತನ
ಮಾಡಿಸಿ ಕೊಟ್ಟವರಾರಮ್ಮಾ !
Padya
Maragida ballige andada hasurina,
Bannava kottavaraarammaa!
Haaduva hakkige madhurada kanthava
Ittavanaavanu helammaa!
Neelaakashadi suryana chandrana
Odisi aadipanaarammaa!
Gaganadi taareyu holeyuva teradali
Nillisidaatanu yaaramma!
Gudugudu gummana gudugisi baanali
Male hanigareyuvaraarammaa!
Aagasavennuva doddikodeyanu
Lokake hididavaraarammaa!
Kuniyuva navilige bannada garigala-
Odagisi kottavaraarammaa!
Aaduva giligaa muddina kokkanu
Kalpisi kottavaraarammaa!
Araluva moggali parimala tumbisi
Lokake haraduvaraarammaa!
Haaruva tumbige hoovina geletana
Maadisi kottavaraarammaa!
No comments:
Post a Comment