Saarutide Srushti (ಸಾರುತಿದೆ ಸೃಷ್ಟಿ)

ಪದ್ಯ 

ಸಾಹಿತ್ಯ : ಸಿದ್ದಯ್ಯ ಪುರಾಣಿಕ 

ಹೆಣ್ಣಿನಲಿ ಬೆಣ್ಣೆಯಲಿ ಕೆನೆಮೊಸರು ಹಾಲಿನಲಿ 

ಕಂದದಲಿ ಜೇನಿನಲಿ ರಸಗಬ್ಬು ಬಾಳೆಯಲಿ 

ಎಳನೀರು ಹೊಳೆನೀರು ಹಾಲ್ದೆನೆಯ ಕಾಳಿನಲಿ 

ಸಾರುತಿದೆ ಸೃಷ್ಟಿಯಿದು ಸವಿಯಾಗಿ ನಿಂದು 

ಸವಿಯಾಗು ಸವಿಯಾಗು ಸವಿಯಾಗು ! ಎಂದು.

ತಾರೆಯಲಿ ಚಂದ್ರನಲಿ ಸೂರ್ಯನಲಿ ರನ್ನದಲಿ 

ಕಂಚಿನಲಿ ಮಿಂಚಿನಲಿ ಮುತ್ತಿನಲಿ ಚಿನ್ನದಲಿ 

ಜ್ಯೋತಿಯಲಿ ನಯನದಲಿ ಉಷೆಯ ಹೊಂಬಣ್ಣದಲಿ 

ಸಾರುತಿದೆ ಸೃಷ್ಟಿಯಿದು ಛವಿಯಾಗಿ ನಿಂದು 

ಛವಿಯಾಗು ಛವಿಯಾಗು ಛವಿಯಾಗು ! ಎಂದು.

ಶಬ್ದದಲಿ  ಸವಿಯಾಗಿ ಅರ್ಥದಲಿ ಬೆಳಕಾಗಿ 

ಬಾಳ ಭವ್ಯತೆಗಿಲ್ಲಿ ಬೆಳಕು ಸವಿ ಸಾಕಾಗಿ 

ಬಾಳುವೆಯ ಸವಿಬೆಳಕ ಬರೆಯುವವ ಬೇಕಾಗಿ 

ಸಾರುತಿದೆ ಸೃಷ್ಟಿಯಿದು ಛವಿಯಾಗಿ ನಿಂದು 

ಕವಿಯಾಗು ಕವಿಯಾಗು ಕವಿಯಾಗು ! ಎಂದು.

Padya

 Henninali benneyali kenemosaru haalinali

Kandadali jeninali rasagabbu baaleyali

Elaneeru holeneeru haldeneya kaalinali

Saarutide srushtiyidu saviyagi nindu

Saviyagu saviyagu saviyagu ! endu.

Taareyali chandranali suryanali rannadali

Kanchinali minchinali muttinali chinnadali

Jyothiyali nayanadali usheya hombannadali

Saarutide srushtiyidu chaviyagi nindu

Chaviyagu chaviyagu chaviyagu ! endu.

Shabdadali saviyagi arthadali belakagi

Baala bhavyategilli belaku savi sakagi

Baaluveya savibelaka bareyuvava bekagi

Saarutide srushtiyidu chaviyagi nindu

Kaviyagu kaviyagu kaviyagu ! endu.