Dasanagu Visheshanagu (ದಾಸನಾಗು ವಿಶೇಷನಾಗು)

Bhaktigeete

Kanaka Dasara Padagalu

Song link: Click Here

 Esu kayangala kaledu embatnalku laksha

Jeeva rashiyannu dati banda ee shareera (2)

Taanalla tannadalla (2) aase taravalla munde bahodalla

Dasanagu visheshanagu (4) ||

Ashaklesha doshavemba abdiyolu mulugi

Yamana pashakkolagagade nirdoshiyago santoshiyago (2)

Kashi varanasi kanchi kalahasti rameshwara

Esu desha tirugidare bahodeno alli hodeno

Dosh nasha krishnaveni gange godavari

Bhava nashi tungabhadre yamune vasadalli upavasadalli

Meesalagi nindu japatapa homa nemagala

Esu bari madidaru phalavenu ee chalavenu

Dasanagu visheshanagu (4) ||

Andigo indigo omme seri kamaleshanannu

Ondu bari yaro hinda neneyalilla mana daniyalilla (2)

Bandu bandu bhramegondu mayamohakke sikki

Nondu bendu ondarinda uliyalilla bandha kaleyalilla

Sandehava madadiru arivu emba deepavittu

Indu kandya dehadalli pindanda hage brahamaanda

Indu hariya dhyanavannu madi ee vivekadi

Mukundaninda mukti bedu kandya nee nodu kandya

Dasanagu visheshanagu (4) ||

Nooru bari sharanu madi neera mulugalyake

Paranariyara notake guriya madidi mana sereya madidi (2)

Sureyolu sure tumbi mele  hoovina haara

Geeru gandha akshateya dharisidante nee maresidante

Garudiya mata bittu nadabrahmmana pididu

Sarisoori muktiyannu shamanadinda matte sumanadinda

Narayana acchuta anantadi keshavana ...aa...aa

Narayana acchuta anantadi keshavana

Saramrutavanundu sukhiso landa jeevave

Elo bhanda jeevave

Dasanagu visheshanagu (2)

Dsanagu visheshanagu dasanagu bhava pasha neegu (4) ||

ಭಕ್ತಿಗೀತೆ 

ಏಸು ಕಾಯಂಗಳ ಕಳೆದು ಎಂಬತ್ನಾಲ್ಕು ಲಕ್ಷ 

ಜೀವ ರಾಶಿಯನ್ನು ದಾಟಿ ಬಂದ ಈ ಶರೀರ (೨)

ತಾನಲ್ಲ ತನ್ನದಲ್ಲ (೨) ಆಸೆ ತರವಲ್ಲ ಮುಂದೆ ಬಹೊದಲ್ಲ 

ದಾಸನಾಗು ವಿಶೇಷನಾಗು (೪) ।।ಪ।।

ಆಶಾಕ್ಲೇಷ ದೋಷವೆಂಬ ಅಬ್ದಿಯೊಳು ಮುಳುಗಿ 

ಯಮನ ಪಾಶಕ್ಕೊಳಗಾಗದೆ ನಿರ್ದೋಷಿಯಾಗೊ ಸಂತೋಷಿಯಾಗೊ (೨)

ಕಾಶಿ ವಾರಣಾಸಿ  ಕಂಚಿ ಕಾಳಹಸ್ತಿ ರಾಮೇಶ್ವರ 

ಏಸು ದೇಶ ತಿರುಗಿದರೆ ಬಹೊದೇನೊ ಅಲ್ಲಿ ಹೋದೇನೊ 

ದೋಷನಾಶ ತುಂಗಭದ್ರೆ ಯಮುನೆ ವಾಸದಲ್ಲಿ ಉಪವಾಸದಲ್ಲಿ 

ಮೀಸಲಾಗಿ ನಿಂದು ಜಪತಪ ಹೋಮ ನೇಮಗಳ 

ಏಸು ಬಾರಿ ಮಾಡಿದರು ಫಲವೇನು ಈ ಛಲವೇನು 

ದಾಸನಾಗು ವಿಶೇಷನಾಗು (೪) ।।೧।।

ಅಂದಿಗೋ ಇಂದಿಗೋ ಒಮ್ಮೆ ಸೇರಿ ಕಮಲೇಶನನ್ನು 

ಒಂದು ಬಾರಿ ಯಾರೂ ಹಿಂದ ನೆನೆಯಲಿಲ್ಲ ಮನ ದಣಿಯಲಿಲ್ಲ (೨)

ಬಂದು ಬಂದು ಭ್ರಮೆಗೊಂಡು ಮಾಯಾಮೋಹಕ್ಕೆ ಸಿಕ್ಕಿ 

ನೊಂದು ಬೆಂದು ಒಂದರಿಂದ ಉಳಿಯಲಿಲ್ಲ ಬಂಧ ಕಳೆಯಲಿಲ್ಲ 

ಸಂದೇಹವ ಮಾಡದಿರು ಅರಿವು ಎಂಬ ದೀಪವಿಟ್ಟು 

ಇಂದು ಕಂಡ್ಯ ದೇಹದಲ್ಲಿ ಪಿಂಡಾಂಡ ಹಾಗೆ ಬ್ರಹ್ಮಾಂಡ 

ಇಂದು ಹರಿಯ ಧ್ಯಾನವನ್ನು ಮಾಡಿ ಈ ವಿವೇಕದಿ 

ಮುಕುಂದನಿಂದ ಮುಕ್ತಿ ಬೇಡು ಕಂಡ್ಯ ನೀ ನೋಡು ಕಂಡ್ಯ 

ದಾಸನಾಗು ವಿಶೇಷನಾಗು (೪) ।।೨।।

ನೂರು ಬಾರಿ ಶರಣು ಮಾಡಿ ನೀರ ಮುಳುಗಲ್ಲ್ಯಾಕೆ 

ಪರನಾರಿಯರ ನೋಟಕೆ ಗುರಿಯ ಮಾಡಿದಿ ಮನ ಸೆರೆಯ ಮಾಡಿದಿ (೨)

ಸೂರೆಯೊಳು ಸುರೆ ತುಂಬಿ ಮೇಲೆ ಹೂವಿನ ಹಾರ 

ಗೀರು ಗಂಧ ಅಕ್ಷತೆಯ ಧರಿಸಿದಂತೆ ನೀ ಮರೆಸಿದಂತೆ 

ಗಾರುಡಿಯ ಮತ ಬಿಟ್ಟು ನಾದಬ್ರಹ್ಮನ ಪಿಡಿದು 

ಸಾರಿಸೂರಿ  ಮುಕ್ತಿಯನ್ನು ಶಮನದಿಂದ ಮತ್ತೆ ಸುಮನದಿಂದ

ನಾರಾಯಣ ಅಚ್ಚುತ ಅನಂತಾದಿ ಕೇಶವನಾ .. ಆ .. ಆ 

 ನಾರಾಯಣ ಅಚ್ಚುತ ಅನಂತಾದಿ ಕೇಶವನ

ಸಾರಾಮೃತವನುಂಡು  ಸುಖಿಸೊ ಲಂಡ ಜೀವವೆ 

ಎಲೋ ಭಂಡ ಜೀವವೇ 

ದಾಸನಾಗು ವಿಶೇಷನಾಗು (೨)

ದಾಸನಾಗು ವಿಶೇಷನಾಗು ದಾಸನಾಗು ಭವ ಪಾಶ ನೀಗು (೪) 

।।೩।।