Swatantrayada Hanate (ಸ್ವಾತಂತ್ರ್ಯದ ಹಣತೆ)

ಪದ್ಯ 

ಸಾಹಿತ್ಯ : ಕೆ ಎಸ್ ನಿಸಾರ್ ಅಹಮದ್ 

 ಸದಾ ಉರಿಯುತಿರುವ ಹಾಗೆ ಸ್ವಾತಂತ್ರ್ಯದ ಹಣತೆ 

ದುಡಿಮೆ ತೈಲವೆರೆಯುತಿರಲು ಬಿಡುವಿಲ್ಲದೆ ಜನತೆ, 

ಎಂತು ಕುಂದಬಹುದು ಎಮ್ಮ ತಾಯ್ನಾಡಿನ ಘನತೆ ।।

ಮುಳ್ಳಿನಿಂದ ಅರಿವೆ ಬಿಡಿಸಿದಂತೆ ಬಂತೆ ಮುಕ್ತಿ ?

ಹುಲಿಯ ಬಾಯ ಮೇವ ಕಸಿಯುವಂತೆ ಧೀರಶಕ್ತಿ, 

ಪಡೆಯಿತದನು ಜನತೆ ಬಾಳ ಬೆಸೆಯೆ ನಾಡ ಭಕ್ತಿ ।।

ಸ್ವಾತಂತ್ರ್ಯದ ಜೊತೆಗೆ ಬಂದು ಕೂಡಲಿಲ್ಲ ಗಳಿಕೆ 

ವ್ಯಕ್ತಿ ವ್ಯಕ್ತಿ ಬೆವರ ಹೀರಿ ಮರವಾಗಿದೆ ಮೊಳಕೆ,

ಮೇಲೇರಿದ ಹಾಗೆ ಭದ್ರ ಪಾಯವುಂಟು ಗೃಹಕೆ ।।

ಸಾಗಿದಂತೆ ಸಲ್ಲುತ್ತಿರಲಿ ಸಾಧನೆಯೆಡೆ ಗಮನ 

ಪ್ರಾಣವನ್ನೆ ಪಗಡೆಯಾಡಿದವರಿಗೆಮ್ಮ ನಮನ,

ತಾಯ ಮುಡಿಗೆ ದಿನವು ಏರುತಿರಲಿ ಹೂವು ದವನ ।।

Padya

Sada uriyutiruva haage swatantrayada hanate

Dudime taila vereyutiralu biduvillade janate,

Entu kundabahudu emma tainaadina ghanate ||

Mullininda arive bidisidante bante mukti?

Huliya baaya meva kasiyuvante dheera shakti,

Padeyitadanu janate, baala beseye naada bhakti ||

Swatantrayada jothe bandu kudalilla galike

Vyakti vyakti bevara heeri maravaagide molake,

Melerida haage bhadra paayavuntu gruhake ||

Saagidante salutitali sadhaneyede gamana

Pranavanne pagadeyaadidavarigemma namana,

Taaya mudige dinavu erutirali hoovu davana ||