Mulugada Surya (ಮುಳುಗದ ಸೂರ್ಯ)

 ಪದ್ಯ 

ಸಾಹಿತ್ಯ : ಫ. ಗು. ಸಿದ್ದಾಪುರ 

ಅಂಧರ ಬಾಳಿನ ಸುಂದರ ಚಂದಿರ 

ಗದುಗಿನ ಗವಾಯಿ ಗಿರಿ ಶಿಖರ 

ಬೆಟ್ಟದಾಚೆ ತಾ ಬೆಳೆದು ನಿಂತನು 

ಪುಟ್ಟರಾಜ ಕವಿ ಪ್ರಭಾಕರ 

ಕಣ್ಣುಗಳಿದ್ದೂ ಇಲ್ಲದ ಹಾಗೆ 

ಬದುಕುತ್ತಿರುವರು ಹಲವು ಜನ 

ಇರದೇ ಇದ್ದರು ಇದ್ದಂತಿಹರು 

ಸಾಧಕರಾಗಿ ಕೆಲವು ಜನ 

ಕಟ್ಟಿ ಬೆಳೆಸಿ ತಾ ಹುಟ್ಟುಹಾಕಿದ 

ಗಾನಯೋಗಿಯು ಸ್ವರಲೋಕ 

ಸಾವಿರ ಸಾವಿರ ಅಂಧ ಮಕ್ಕಳಿಗೆ 

ಸಜ್ಜಾಯಿತು ಈ ಭೂಲೋಕ 

ಬರೆದರು ನಾಟಕ ಪುರಾಣ ಚರಿತೆ 

ಅಳೆಯಲಿಕ್ಕಾಗದು ಪಾಂಡಿತ್ಯ 

ಸೂಸುತ್ತಿರುವುದು ಎಲ್ಲೆಡೆ ಸೌರಭ 

ಇವರದೆ ಆದ ಸಾಹಿತ್ಯ 

ಹಕ್ಕಿಗಳುಲಿದವು ನಲಿದವು ಒಡನೆ 

ಕಿನ್ನರಿ ನುಡಿಸಲು ತನ್ನೊಳಗೆ 

ರಾಜ ರಾಜ ಕವಿ ಮಹಾರಾಜ 

ಮುಳುಗದ ಸೂರ್ಯ ಧರೆಯೊಳಗೆ. 

Padya

Andhara baalina sundara chandira

Gadugina gavayi giri shikhara

Bettadaache ta beledu nintanu

Puttaraja kavi prabhakara

Kannugaliddu illada haage

Badukuttiruvaru halavu jana

Irade iddaru iddantiharu

Sadhakaragi kelavu jana

Katti belesi ta huttuhakida

Ganayogiya swaraloka

Savira savira andha makkalige

Sajjayitu ee bhuloka

Baredaru nataka purana charite

Aleyalikkagadu panditya

Susuttiruvudu ellede sourabha

Ivarade aa sahitya

Hakkigalulidavu nalidavu odane

Kinnari nudisalu tannolage

Raja raja kavi maharaja                     

Mulugada surya dhareyolage.