Nanna Nalavina Balli (ನನ್ನ ನಲವಿನ ಬಳ್ಳಿ)

Bhavageete

Sahitya: K S Nissar Ahmed

Song link: Click Here

Nanna nalavina balli maidumbi nalivaga

Lokave, heeradiru dumbiyolu hoova;

Balina kastagala balu ghora payanadali

Chanadonde kanasiduve, berasadiru nova ||

Savi sukhadee galige bandu mellane balige

Pallavisutide edeya chaitradante;

Indu naa mai maretu oleyuve soga beretu,

Aasegala chivutadiru hakkiyante ||

Aagasake esediruva kallinanteruvenu,

Gaaliyali teluvenu - gandhadante;

Matte beeluvenille, chintegala kesaralle -

Bittubidu eegenna muktanante ||

ಭಾವಗೀತೆ 

ನನ್ನ ನಲವಿನ ಬಳ್ಳಿ ಮೈದುಂಬಿ ನಲಿವಾಗ 

ಲೋಕವೆ, ಹೀರದಿರು ದುಂಬಿಯೊಲು ಹೂವ;

ಬಾಳಿನ ಕಷ್ಟಗಳ ಬಲು ಘೋರ ಪಯಣದಲಿ 

ಚಣದೊಂದೆ ಕನಸಿದುವೆ, ಬೆರಸದಿರು ನೋವ ।।

ಸವಿ ಸುಖದೀ ಗಳಿಗೆ ಬಂದು ಮೆಲ್ಲಗೆ ಬಳಿಗೆ 

ಪಲ್ಲವಿಸುತಿದೆ ಎದೆಯ ಚೈತ್ರದಂತೆ;

ಇಂದು ನಾ ಮೈ ಮರೆತು ಒಲೆಯುವೆ ಸೊಗ ಬೆರೆತು,

ಆಸೆಗಳ ಚಿವುಟದಿರು ಹಕ್ಕಿಯಂತೆ ।।

ಆಗಸಕೆ ಎಸೆದಿರುವ ಕಲ್ಲಿನಂತೇರುವೆನು,

ಗಾಳಿಯಲಿ ತೇಲುವೆನು - ಗಂಧದಂತೆ;

ಮತ್ತೆ ಬೀಳುವೆನಿಲ್ಲೆ, ಚಿಂತೆಗಳ ಕೆಸರಲ್ಲೆ-

ಬಿಟ್ಟುಬಿಡು ಈಗೆನ್ನ ಮುಕ್ತನಂತೆ ।।