Shanubhogara Magalu (ಶಾನುಭೋಗರ ಮಗಳು)

Bhavageete

                                Sahitya: K S Narasimma swamy

                                     Song link: Click Here

   K S Narasimma swamy is popularly known as 'Olavina Kavi'

His famous work includes Mysuru Mallige. This kavithe 

describes in a humorous way how an innocent village girl named

 sita is seen by a dark guy for marriage and how she intelligently

rejects him.

Shanubhogara magalu

Tayiyillada hudugi

Ratnadantaha hudugi origella

Balujane gambire

Hesaru seetadevi

Hanneradu tumbihudu maduveyilla

Tayiyillada hennu

Mincha beeruva kannu

Omomme kannira sarasiyahudu

Tayiyandadi bandu tampanereyuvudendu

Inta balige olave ninna kanasu

Hattirada kereyinda toleda bindigeyolage

Neera taruvagavala nodabeku

Karuvanadisuvaga malligeya banadolage

Avala gandana hesara kelabeku..

Monne tavaregereya joyisara mommaganu

Henna nodalu banda avaramanege

Vaidikara manegalali oota hottaguvudu

Ollenendalu seete koneyolage

Magala matanu keli

Nakkubittaru tande

Olage nandadeepa nandi hogi

Phalava nudidudu halli

Helalenide munde

Teralidanu joyisanu tannagagi..

Belagaga kereya bali nanna tangiya kandu

Kanne toridalante karanavanu

Honnura keriyali bandidda hosa gandu

Tanna kodaliginta kappu endu

Namorina akkareya sakkareya bombeyanu

Nodabeke intha kappu gandu

Shanubhogara maneya toranave heluvudu

Banda darige sunkavillavendu

Shanubhogara magalu

Ratnadantaha hudugi

Gandu sikkuvudondu kastavalla

Sariyada gandodagi

Hennu sukhavagirali

Tadavadarenante nastavilla..

ಭಾವಗೀತೆ 

ಶಾನುಭೋಗರ ಮಗಳು, ತಾಯಿಯಿಲ್ಲದ ಹುಡುಗಿ 

ರತ್ನದಂತಹ ಹುಡುಗಿ ಊರಿಗೆಲ್ಲ 

ಬಲುಜಾಣೆ ಗಂಭೀರೆ, ಹೆಸರು ಸೀತಾದೇವಿ 

ಹನ್ನೆರಡು ತುಂಬಿಹುದು ಮದುವೆಯಿಲ್ಲ 

ತಾಯಿಯಿಲ್ಲದ ಹೆಣ್ಣು 

ಮಿಂಚ ಬೀರುವ ಕಣ್ಣು 

ಒಮ್ಮೊಮ್ಮೆ ಕಣ್ಣೀರ ಸರಸಿಯಹುದು 

ತಾಯಿಯಂದದಿ ಬಂದು,ತಂಪನೆರೆಯುವುದೆಂದು 

ಇಂತ ಬಾಳಿಗೆ ಒಲವೆ, ನಿನ್ನ ಕನಸು .. 

ಹತ್ತಿರದ ಕೆರೆಯಿಂದ ತೊಳೆದ ಬಿಂದಿಗೆಯೊಳಗೆ 

ನೀರ ತರುವಾಗವಳ ನೋಡಬೇಕು 

ಕರುವನಾಡಿಸುವಾಗ ಮಲ್ಲಿಗೆಯ ಬನದೊಳಗೆ 

ಅವಳ ಗಂಡನ ಹೆಸರು ಕೇಳಬೇಕು .. 

ಮೊನ್ನೆ ತಾವರೆಗೆರೆಯ ಜೋಯಿಸರ ಮೊಮ್ಮಗನು 

ಹೆಣ್ಣ ನೋಡಲು ಬಂದ ಅವರ ಮನೆಗೆ 

ವೈದಿಕರ ಮನೆಗಳಲಿ ಊಟ ಹೊತ್ತಾಗುವುದು 

ಒಲ್ಲೆನೆಂದಳು ಸೀತೆ ಕೋಣೆಯೊಳಗೆ 

ಮಗಳ ಮಾತನು ಕೇಳಿ 

ನಕ್ಕು ಬಿಟ್ಟರು ತಂದೆ 

ಒಳಗೆ ನಂದಾದೀಪ ನಂದಿ ಹೋಗಿ 

ಫಲವ ನುಡಿದುದು ಹಲ್ಲಿ 

ಹೇಳಲೇನಿದೆ ಮುಂದೆ 

ತೆರಳಿದನು ಜೋಯಿಸನು ತಣ್ಣಗಾಗಿ .. 

ಬೆಳಗಾಗ ಕೆರೆಯ ಬಳಿ ನನ್ನ ತಂಗಿಯ ಕಂಡು 

ಕನ್ನೆ ತೋರಿದಳಂತೆ ಕಾರಣವನು 

ಹೊನ್ನೂರ ಕೇರಿಯಲಿ ಬಂದಿದ್ದ ಹೊಸ ಗಂಡು 

ತನ್ನ ಕೂದಲಿಗಿಂತ ಕಪ್ಪು ಎಂದು 

ನಮ್ಮೂರಿನ ಅಕ್ಕರೆಯ ಸಕ್ಕರೆಯ ಬೊಂಬೆಯನು 

ನೋಡಬೇಕೆ ಇಂಥ ಕಪ್ಪು ಗಂಡು 

ಶಾನುಭೋಗರ ಮನೆಯ ತೋರಣವೆ ಹೇಳುವುದು 

ಬಂದ ದಾರಿಗೆ ಸುಂಕವಿಲ್ಲವೆಂದು .. 

ಶಾನುಭೋಗರ ಮಗಳು 

ರತ್ನದಂತಹ ಹುಡುಗಿ 

ಗಂಡು ಸಿಕ್ಕುವುದೊಂದು ಕಷ್ಟವಲ್ಲ 

ಸರಿಯಾದ ಗಂಡೊದಗಿ  

ಹೆಣ್ಣು ಸುಖವಾಗಿರಲಿ 

ತಡವಾದರೇನಂತೆ ನಷ್ಟವಿಲ್ಲ ..