Nanna Premada Hudugi (ನನ್ನ ಪ್ರೇಮದ ಹುಡುಗಿ)

Bhavageete

Sahitya: B M Sri

Nanna premada hudugi, tavareya hosakempu

Tavareya hosa arala holeva kempu

Nanna premada hudugi, kolala melu nudiyimpu

Kolalu mohisi nudiva gaanadimpu ||

Belebeleyuteshteshtu bhinnana ele cheluve

Mulugidenu ashatashtu premadolage

Battuvuvu kadalugalu mundaagi ele cheluve

Battalaaradu tottu premadolage ||

Battuvuvu mundaagi kadalugalu ele cheluve

Karaguvuvu bandegalu bisilinolage

Karagalaaradu churu premadolagele cheluve

Berediralu jeevakale dehadolage ||

Hogi baruvenu henne, premadonde henne

Hogi baruvenu sahisu, eradu galige

Koti yojanavirali, daati baruvenu henne

Bega baruvenu haari, ninna balige ||

ಭಾವಗೀತೆ 

ನನ್ನ ಪ್ರೇಮದ ಹುಡುಗಿ, ತಾವರೆಯ ಹೊಸಕೆಂಪು 

ತಾವರೆಯ ಹೊಸ ಅರಳ ಹೊಳೆವ ಕೆಂಪು 

ನನ್ನ ಪ್ರೇಮದ ಹುಡುಗಿ, ಕೊಳಲ ಮೆಲುನುಡಿಯಿಂಪು 

ಕೊಳಲು ಮೋಹಿಸಿ ನುಡಿವ ಗಾನದಿಂಪು ।।ಪ।।

ಬೆಳೆಬೆಳೆಯುತೆಷ್ಟೆಷ್ಟು  ಭಿನ್ನಾಣ ಎಲೆ ಚೆಲುವೆ 

ಮುಳುಗಿದೆನು ಅಷ್ಟಷ್ಟು ಪ್ರೇಮದೊಳಗೆ 

ಬತ್ತುವುವು ಕಡಲುಗಳು ಮುಂದಾಗಿ, ಎಲೆ ಚೆಲುವೆ 

ಬತ್ತಲಾರದು ತೊಟ್ಟು ಪ್ರೇಮದೊಳಗೆ  ।।೧।।

ಬತ್ತುವುವು ಮುಂದಾಗಿ ಕಡಲುಗಳು ಎಲೆ ಚೆಲುವೆ 

ಕರಗುವುವು ಬಂಡೆಗಳು ಬಿಸಿಲಿನೊಳಗೆ 

ಕಾರಗಲಾರದು ಚೂರು ಪ್ರೇಮದೊಳಗೆಲೆ ಚೆಲುವೆ 

ಬೆರೆದಿರಲು ಜೀವಕಳೆ ದೇಹದೊಳಗೆ ।।೨।।

ಹೋಗಿ ಬರುವೆನು ಹೆಣ್ಣೆ, ಪ್ರೇಮದೊಂದೇ ಹೆಣ್ಣೆ 

ಹೋಗಿ ಬರುವೆನು ಸಹಿಸು, ಎರಡು ಗಳಿಗೆ 

ಕೋಟಿ ಯೋಜನವಿರಲಿ, ದಾಟಿ ಬರುವೆನು ಹೆಣ್ಣೆ 

ಬೇಗ ಬರುವೆನು ಹಾರಿ, ನಿನ್ನ ಬಳಿಗೆ ।।೩।।