Hakkiyondu Haari Bandu (ಹಕ್ಕಿಯೊಂದು ಹಾರಿ ಬಂದು)

Bhavageete

Sahitya: Sharat Kalkod

Song link: Click Here 

Hakkiyondu haari bandu, nanna edeyolavitu kondu,

Banna banna rekke bicchi, manasigella adanu hacchi, 

Kuniya todagitu, haaki kuniya todagitu ||

Jinkeyante meredu nodi, alli illi odi aadi,

Novu maresi modi maadi, matte matte kaadi bedi,

Eno maaditu, hakki eno maaditu ||

Nakku nalidu aadutiralu, dinavu heege urulitiralu,

Kanda kannu kaarutiralu, lokaveno aadutiralu,

Anji haaritu, hakki anji haaritu ||

Intu hakki haari hogi, lokavella khaliyaagi,

Baduku tumba bharavaagi, nenapu novu maagiyaagi,

Naanu ulidenu, illi naanu ulidenu ||

ಭಾವಗೀತೆ 

ಹಕ್ಕಿಯೊಂದು ಹಾರಿ ಬಂದು, ನನ್ನ ಎದೆಯೊಳವಿತುಕೊಂಡು,

ಬಣ್ಣ ಬಣ್ಣ ರೆಕ್ಕೆ ಬಿಚ್ಚಿ, ಮನಸಿಗೆಲ್ಲ ಅದನು ಹಚ್ಚಿ,

ಕುಣಿಯತೊಡಗಿತು ಹಕ್ಕಿ ಕುಣಿಯತೊಡಗಿತು ।।ಪ।।

ಜಿಂಕೆಯಂತೆ ಮೆರೆದು ನೋಡಿ, ಅಲ್ಲಿ ಇಲ್ಲಿ ಓಡಿ ಆಡಿ,

ನೋವು ಮರೆಸಿ ಮೋಡಿ ಮಾಡಿ, ಮತ್ತೆ ಮತ್ತೆ ಕಾಡಿ ಬೇಡಿ,

ಏನೋ ಮಾಡಿತು, ಹಕ್ಕಿ ಏನೋ ಮಾಡಿತು ।।೧।।

ನಕ್ಕು ನಲಿದು ಆಡುತಿರಲು, ದಿನವು ಹೀಗೆ ಉರುಳುತಿರಲು,

ಕಂಡ ಕಣ್ಣು ಕಾರುತಿರಲು, ಲೋಕವೇನೊ ಆಡುತಿರಲು,

ಅಂಜಿ ಹಾರಿತು, ಹಕ್ಕಿ ಅಂಜಿ ಹಾರಿತು ।।೨।।

ಇಂತು ಹಕ್ಕಿ ಹಾರಿ ಹೋಗಿ, ಲೋಕವೆಲ್ಲ ಖಾಲಿಯಾಗಿ,

ಬದುಕು ತುಂಬ ಭಾರವಾಗಿ, ನೆನಪು ನೋವು ಮಾಗಿಯಾಗಿ,

ನಾನು ಉಳಿದೆನು, ಇಲ್ಲಿ ನಾನು ಉಳಿದೆನು ।।೩।।