Hariya Neneyadanta Nara Janmaveke (ಹರಿಯ ನೆನೆಯದಂತ ನರ ಜನ್ಮವೇಕೆ)

Bhaktigeete

Sri Purandara Dasara Keerthanegalu

Song link: Click Here

Raga: Purvi

Tala: Atatala

Hariya neneyadanta nara janmaveke

Nara hariya kondadada naligeyeke ||

Vedavanodada vipra taneke

Kalagavariyada kshatriyaneke

Krodhava bidada sanyasi taneke

Aadhara villada armutannaveke ||

Satya souchavillada aacharaveke

Nitya nemavillada japatapaveke

Bhaktili madada haripujeyeke

Uttamarillada sabheyu taneke ||

Matapitara poreyada makkaleke

Matu kelada soseya godave taneke

Neeti nemavillada koota taneke

Anathanada mele kopavadeke ||

Alidu alidu hoguva makkaleke

Tilidu buddiya helada guruveke

Nalinabha sri purandara vittalana

Cheluva mooutiya nodada kangaleke ||

ಭಕ್ತಿಗೀತೆ 

ಹರಿಯ ನೆನೆಯದಂತ ನರ ಜನ್ಮವೇಕೆ 

ನರ ಹರಿಯ ಕೊಂಡಾಡದ ನಾಲಿಗೆಯೇಕೆ ।।ಪ ।।

ವೇದವನೋದದ ವಿಪ್ರ ತಾನೇಕೆ 

ಕಾಳಗವರಿಯದ ಕ್ಷತ್ರಿಯನೇಕೆ 

ಕ್ರೋಧವ ಬಿಡದ ಸನ್ಯಾಸಿ ತಾನೇಕೆ 

ಆಧರವಿಲ್ಲದ ಅಮೃತಾನ್ನವೇಕೆ ।।೧।।

ಸತ್ಯ ಸೌಚವಿಲ್ಲದ ಆಚಾರವೇಕೆ 

ನಿತ್ಯ ನೇಮವಿಲ್ಲದ ಜಪತಪ ವೇಕೆ 

ಭಕ್ತಿಲಿ ಮಾಡದ ಹರಿ ಪೂಜೆಯೇಕೆ 

ಉತ್ತಮರಿಲ್ಲದ ಸಭೆಯು ತಾನೇಕೆ ।।೨।।

ಮಾತಾಪಿತರ ಪೊರೆಯದ ಮಕ್ಕಳೇಕೆ 

ಮಾತು ಕೇಳದ ಸೊಸೆಯ ಗೊಡವೆ ತಾನೇಕೆ 

ನೀತಿ ನೇಮವಿಲ್ಲದ ಕೂಟ ತಾನೇಕೆ 

ಅನಾಥನಾದ ಮೇಲೆ ಕೋಪವದೇಕೆ ।।೩।।

ಅಳಿದು ಅಳಿದು ಹೋಗುವ ಮಕ್ಕಳೇಕೆ 

ತಿಳಿದು ಬುದ್ದಿಯ ಹೇಳದ ಗುರುವೇಕೆ 

ನಳಿನಾಭ ಶ್ರೀ ಪುರಂದರ ವಿಠ್ಠಲನ 

ಚೆಲುವ ಮೂರುತಿಯ ನೋಡದ ಕಂಗಳೇಕೆ ।।೪।।          ಶ್ರೀ