Aame (ಆಮೆ)

Padya

Sahitya: Giriraja Hosamani

Aameyondu kereya dadadi

Maneyamaditu

Hakkiyante harabeku

Endu bayasitu

Hakki jotege sanga madi

Aase tilisitu

Hakki helidante aame

Kelaloppitu

Atta itta hakki eradu

Badige hididuvu

Aame adake jotu beele

hari hoduvu

Dariyalli idanu kandu

Janaru nakkaru

Mana hoyitendu aame

Manadi kudiyitu

Nakka janara bayyalendu

Bayi tereyitu

Melininda kelage biddu

Sattu hoyitu

ಪದ್ಯ 

ಆಮೆಯೊಂದು ಕೆರೆಯ ದಡದಿ 

ಮನೆಯ ಮಾಡಿತು 

ಹಕ್ಕಿಯಂತೆ ಹಾರಬೇಕು 

ಎಂದು ಬಯಸಿತು 

ಹಕ್ಕಿ ಜೊತೆಗೆ ಸಂಗಮಾಡಿ 

ಆಸೆ ತಿಳಿಸಿತು 

ಹಕ್ಕಿ ಹೇಳಿದಂತೆ ಆಮೆ 

ಕೇಳಲೊಪ್ಪಿತು 

ಅತ್ತ ಇತ್ತ ಹಕ್ಕಿ ಎರಡು 

ಬಡಿಗೆ ಹಿಡಿದುವು 

ಆಮೆ ಅದಕೆ ಜೋತು ಬೀಳೆ 

ಹಾರಿ ಹೋದುವು 

ದಾರಿಯಲ್ಲಿ ಇದನು ಕಂಡು 

ಜನರು ನಕ್ಕರು 

ಮಾನ ಹೋಯಿತೆಂದು ಆಮೆ 

ಮನದಿ ಕುದಿಯಿತು 

ನಕ್ಕ ಜನರ ಬಯ್ಯಲೆಂದು 

ಬಾಯಿ ತೆರೆಯಿತು 

ಮೇಲಿನಿಂದ ಕೆಳಗೆ ಬಿದ್ದು 

ಸತ್ತು ಹೋಯಿತು .