ಪದ್ಯ
ಜನಪದ ಗೀತೆ
ಒಳ್ಳೆಯವರ ಗೆಳೆತನ ಕಲ್ಲುಸಕ್ಕರಿ ಹಾಂಗ
ಕುಲ್ಲರ
ಗೆಳೆತನ ಮಾಡಿದರ । ನನಕಂದ
ಸಲ್ಲದ ಮಾತು ಬರತಾವ ।।
ಮಂದಿ ಮಕ್ಕಳೊಳಗ ಚಂದಾಗಿ ಇರಬೇಕು
ನಂದೀಯ ಶಿವನ ದಯದಿಂದ । ಹೋಗಾಗ
ಮಂದಿ ಬಾಯಾಗ ಇರಬೇಕು ।।
ಕೊಟ್ಟು ಕುದಿಯಲು ಬೇಡ ಇಟ್ಟು ಹಂಗಿಸ ಬೇಡ
ಎಷ್ಟು೦ಡರೆಂದು ಅನಬೇಡ । ಈ ಮೂರು
ಮುಟ್ಯಾವ ಶಿವನ ಸದರೀಗಿ ।।
ಹಿರಿಯರಿಗೆ ಹಿರಿಯನ್ನು ಕಿರಿಯರಿಗೆ ಕಿರಿಯನ್ನು
ನೆರೆಗಡ್ಡದ ಮುದುಕರ । ಕಂಡರ
ತಲೆಬಾಗಿ ನಡೆಯೋ ನನಕಂದ ।।
ಆಚಾರಕ್ಕರಸಾಗು ನೀತಿಗೆ ಪ್ರಭುವಾಗು
ಮಾತಿನಲಿ ಚೂಡಾಮಣಿಯಾಗು । ಕಂದಯ್ಯ
ಜ್ಯೋತಿಯೆ ಆಗು ಜಗಕೆಲ್ಲ ।।
Padya
Olleyavara geletana kallusakkari hanga
Kullara geletana maadidara | nanakanda
Sallada maatu barataava ||
Mandi makkalolaga chandagi irabeku
Nandeeya shivana dayadinda | hogaaga
Mandi bayaaga irabeku ||
Kottu kudiyalu beda ittu hangisa beda
Eastundarendu anabeda | ee mooru
Muttyava shivana sadareegi ||
Hiriyarige hiriyannu kiriyarige kiriyannu
Neregaddada mudukara | kandara
Talebaagi nadeyo nanakanda ||
Acharakkarasaagu neetige prabhuvaagu
Maatinali chudamaniyaagu | kandayya
Jyothiye aagu jagakella ||
