Deshavonde Bharata (ದೇಶವೊಂದೆ ಭಾರತ)

 ಪದ್ಯ 

ಸಾಹಿತ್ಯ : ಸಾ. ಶಿ. ಮರುಳಯ್ಯ 

ವೇಷ ಬೇರೆ ಭಾಷೆ ಬೇರೆ, ದೇಶವೊಂದೆ ಭಾರತ 

ಒಂದೆ ತಾಯ ಮಕ್ಕಳೆಂದು ಘೋಷಿಸೋಣ ಸಂತತ ।।

ತೀರ್ಥನಗೆಯ ಕ್ಷೇತ್ರವಿದೋ ಭವ್ಯನಾಡು ಭಾರತ 

ಋಷಿಗಳುಸಿರ ಹರಕೆ ಹೊತ್ತ ದಿವ್ಯನಾಡು ಭಾರತ 

ಕಡಲುಗಳನೆ ಉಡುಗೆಯುಟ್ಟು 

ಘಟ್ಟದೋಳು ಬಳೆಯ ತೊಟ್ಟು 

ನದಿ ನದಗಳ ಹಾರವಿಟ್ಟು 

ಸೇತುವಿಂದ ಸಿಂಧುವರೆಗು ಬೆಳೆದು ನಿಂತ ಭಾರತ 

ಭಂಗಗೊಳದ ವಂಗನಾಡ ಕೂಡಿ ಮೆರೆದ ಭಾರತ 

ಇದೇ ನಮ್ಮ ಭಾರತ 

ಪುಣ್ಯಭೂಮಿ ಭಾರತ 

ಭರತಖಂಡದಿಂದಲೇನೆ ನಿನಗೆ ಮೋಕ್ಷ ಪ್ರಾಪ್ತಿ 

ತಪ್ಪಿನುಡಿದೆಯೆಂದರಹುದು ನಿನಗೆ ತಕ್ಕ ಶಾಸ್ತಿ ।।

ಯಾವ ದೇಶದಲ್ಲೆ ದುಡಿ 

ಯಾವ ಮಣ್ಣಿನಲ್ಲೆ ಮಡಿ 

ನಿಂತ ನೆಲವು ಹಿಡಿದ ಹುಡಿ 

ಭರತ ಭೂಮಿಯೆಂದು ತಿಳಿ 

ಮಣ್ಣ ಮೋಹ ಬಿಟ್ಟರಿಲ್ಲೊ ನಿನಗೆ ಬೇರೆ ಸದ್ಗತಿ 

ಬರಿಯ ಮಾತಿನಲ್ಲೆ ಮುಗಿವುದಲ್ಲೊ ನಿನ್ನ ಸಂಸ್ಕೃತಿ 

ಮಾನವತೆಯ ಶುಚಿಮತಿ 

ಸನಾತನದ ಸತ್ಕೃತಿ 

ವೇಷ ಬೇರೆ ಭಾಷೆ ಬೇರೆ, ದೇಶವೊಂದೆ ಭಾರತ 

ಒಂದೆ ತಾಯ ಮಕ್ಕಳೆಂದು ಘೋಷಿಸೋಣ ಸಂತತ ।

Padya

Vesha bere bhashe bere, deshavonde bharata

Onde taaya makkalendu ghoshisona santata ||

Thirthanageya kshetravido bhavyanaadu bharata

Rushigalusira harake hotta divyanaadu bharata

Kadalugalane udugeyuttu

Ghattadolu baleya tottu

Nadi nadagala haaravittu

Setuvinda sindhuvaregu beledu ninta bharata

Bhangagolada vanganaada kudi mereda bharata

Ide namma bharata

Punyabhumi bharata

Bharatakhandadindalene ninage mokshaprapti

Tappinudideyendarahudu ninage takka shasti ||

Yaava deshadalle dudi

Yaava maninalle madi

Ninta nelavu hidida hudi

Bharata bhumiyendu tili

Manna moha bittarillo ninage bere sadgati

Bariya maatinalle mugivudallo ninna samskruti

Maanavateya shuchimati

Sanaatanada satkruti 

Vesha bere bhashe bere, deshavonde bharata

Onde taaya makkalendu ghoshisona santata |