Dudukina Phala (ದುಡುಕಿನ ಫಲ)

ಪದ್ಯ 

ಸಾಹಿತ್ಯ: ಲಕ್ಷ್ಮಣ ಅಳವಂಡಿ 

ಹಿಂದೊಂದೂರಲಿ ಇದ್ದಳು ನಾರಿ 

ಮುಂಗುಸಿಯೊಂದ ಸಾಕಿದಳು. 

ಕೊಡವನು ಹಿಡಿದು ನೀರನು ತರಲು 

ನದಿಯ ತೀರಕೆ ಸಾಗಿದಳು. 

ತೊಟ್ಟಿಲೊಳಗಿನ ಪುಟ್ಟ ಮಗುವದು 

ಕೇಕೆಯ ಹಾಕಿತು ಮುದದಿಂದ. 

ಮುಂಗುಸಿ ನೋಡಿತು ಹಗ್ಗದಗುಂಟ 

ಸರಿಯುತಲಿದ್ದ ಹಾವೊಂದ. 

ಹಾವನು ಕಂಡು ಮುಂಗುಸಿ ತಾನು 

ಸರಸರ ಏರಿತು ಹಗ್ಗವನು. 

ವೈರಿಯ ಹಿಡಿದು ಹಲ್ಲಲಿ ಕಡಿದು 

ಉಳಿಸಿತು ಮಗುವಿನ ಪ್ರಾಣವನು. 

ನೀರಿಗೆ ಹೋದ ನಾರಿಯು ತಾನು 

ಮರಳಿ ಬಂದಳು ನದಿಯಿಂದ. 

ರಕ್ತವು ಮೆತ್ತಿದ ಮುಂಗುಸಿ ಕಂಡು 

ಕಿರುಚಿದಳಾಗಲೇ ಭಯದಿಂದ. 

'ಮಗುವನು ಕೊಂದಿದೆ ಮುಂಗುಸಿ' ಎಂದು 

ಭಾವಿಸಿಕೊಂಡಳು ಮನದಲ್ಲಿ. 

ತುಂಬಿದ ಕೊಡವನು ಕೋಪದಿ ಎತ್ತಿ 

ಹೊಡೆದಳು ಮುಂಗುಸಿ ತಲೆಯಲ್ಲಿ. 

ಕಿಲ ಕಿಲ ನಗುವ ಮಗುವನು ತಾನು 

ಒಳಗಡೆ ಕಂಡಳು ತೊಟ್ಟಿಲಲಿ. 

ಪಕ್ಕದಿ ಸತ್ತ ಹಾವನು ನೋಡಿ 

ಕುಸಿದಳು ನೆಲಕೆ ದುಃಖದಲಿ. 

"ಮಗುವನು ಉಳಿಸಿದ ಮುಂಗುಸಿ ಕೊಂದೆ 

ಅಯ್ಯೋ! ಪಾಪವ ಮಾಡಿದೆನು. 

ನಿಜವನು ತಿಳಿಯದೆ ಕೋಪದಿ ನಾನು 

ಅವಸರ ಮಾಡಿ ದುಡುಕಿದೆನು". 

'ತಾಳಿದ ಮಾನವ ಬಾಳುವ' ನೆಂಬ 

ಗಾದೆಯ ಮಾತದು ಬಲುಚೆಂದ. 

'ದುಡುಕೇ ಕೆಡುಕಿನ ಮೂಲ'ವು ಎಂಬ 

ನಿಜವನು ಅರಿಯೋ ನೀ ಕಂದ !

Padya

Hindondurali iddalu naari

Mungusiyonda saakidalu.

Kodavanu hididu neeranu taralu

Nadiya teerake saagidalu.

Tottilolagina putta maguvadu

Kekeya haakitu mudadinda.

Mungusi noditu haggadagunta

Sariyutalidda haavonda.

Haavanu kandu mungusi taanu

Sarasara eritu haggavanu.

Vairiya hididu hallali kadidu

Ulisitu maguvina pranavanu.

Neerige hoda naariyu taanu

Marali bandalu nadiyinda.

Raktavu mettida mungusi kandu

Kiruchidalaagale bhayadinda.

'Maguvanu kondide mungusi' endu

Bhavisikondalu manadalli.

Tumbida kodavanu kopadi etti

Hodedalu mungusi taleyalli.

Kilakila naguva maguvanu taanu

Olagade kandalu tottilali.

Pakkadi satta haavanu nodi

Kusidalu nelake dukhadali.

"Maguvanu ulisida mungusi konde

Ayyo! paapava maadidenu.

Nijavanu tiliyade kopadi naanu

Avasara maadi dudukidenu".

'Taalida maanava baaluva' nemba

Gaadeya maatadu baluchanda.

'Duduke kedukina moola'vu emba

Nijavanu ariyo nee kanda!