Naa Melinavanu Balu Doddavanu (ನಾ ಮೇಲಿನವನು ಬಲು ದೊಡ್ಡವನು)

Bhavageete

Sahitya: Lalita Naika

Song link: Click Here

Naa melinavanu, balu doddavanu endu,

Meredaadabeda geleya,

Ninaginta migilavaru, iddaru buviyalli,

Sullu bhrameyalli nee mulugabeda ||

Baludodda chandiranu, irulella belaguvanu,

Mareyaaguvanu hagala kiranadalli,

Uriyuvanu surya avaginta hiriya,

Kaledu hoguvanu irula seraginalli ||

Grahataaregala hotta, gaganakke mareyunte,

Saari helitte, taa migilu endu,

Anuvalli anuvaada, kanniddu kurudaada,

Nee kugabahudu haagendu ||

Mannu molakeya huttu, beeja vrukshada guttu,

Beragugolisuvudillavenu, giri jariya varate,

Jeevarashiya charite, romanchanagolisadenu ||

Janana maranada ogata, bicchi heluveyenu,

Lokadolitige ninna kanke enu?

Helu geleyane eega, ede tatti nee helu,

Prakrutiya hiritanake nee saati enu?

ಭಾವಗೀತೆ 

ನಾ ಮೇಲಿನವನು, ಬಲು ದೊಡ್ಡವನು ಎಂದು,

ಮೆರೆದಾಡಬೇಡ ಗೆಳೆಯ,

ನಿನಗಿಂತಾ ಮಿಗಿಲವರು, ಇದ್ದಾರು ಬುವಿಯಲ್ಲಿ,

ಸುಳ್ಳು ಭ್ರಮೆಯಲ್ಲಿ ನೀ ಮುಳುಗಬೇಡಾ ।।ಪ।।

ಬಲುದೊಡ್ಡ ಚಂದಿರನು ಇರುಳೆಲ್ಲಾ ಬೆಳಗುವನು,

ಮರೆಯಾಗುವನು ಹಗಲ ಕಿರಣದಲ್ಲಿ,

ಉರಿಯುವನು ಸೂರ್ಯ ಅವಗಿಂತ ಹಿರಿಯ,

ಕಳೆದು ಹೋಗುವನು ಇರುಳ ಸೆರಗಿನಲ್ಲಿ ।।೧।।

ಗ್ರಹತಾರೆಗಳ ಹೊತ್ತ, ಗಗನಕ್ಕೆ ಮರೆಯುಂಟೆ,

ಸಾರಿ ಹೇಳಿತ್ತೆ, ತಾ ಮಿಗಿಲು ಎಂದು,

ಅಣುವಲ್ಲಿ ಅಣುವಾದ, ಕಣ್ಣಿದ್ದೂ ಕುರುಡಾದ,

ನೀ ಕೂಗಬಹುದು ಹಾಗೆಂದು ।।೨।।

ಮಣ್ಣು ಮೊಳಕೆಯ ಹುಟ್ಟು, ಬೀಜ ವೃಕ್ಷದಾ ಗುಟ್ಟು,

ಬೆರಗುಗೊಳಿಸುವುದಿಲ್ಲವೇನು, ಗಿರಿ ಜರಿಯಾ ವರತೆ,

ಜೀವರಾಶಿಯ ಚರಿತೆ, ರೋಮಾಂಚನಗೊಳಿಸದೇನು ।।೩।।

ಜನನ ಮರಣದಾ ಒಗಟ, ಬಿಚ್ಚಿ ಹೇಳುವೆಯೇನು,

ಲೋಕದೊಳಿತಿಗೆ ನಿನ್ನ ಕಾಣ್ಕೆ ಏನು ?

ಹೇಳು ಗೆಳೆಯನೇ ಈಗ, ಎದೆ ತಟ್ಟಿ ನೀ ಹೇಳು,

ಪ್ರಕೃತಿಯ ಹಿರಿತನಕೆ ನೀ ಸಾಟಿ ಏನು ?