Dumbigala Daniyilla (ದುಂಬಿಗಳ ದನಿಯಿಲ್ಲ)

Bhavageete

Sahitya: Doddarange Gowda

Song link: Click Here

Dumbigala daniyilla hakkigala haadilla,

Kusuma gandhava taruva maarutanilla,

Hemanta ruthu raja dharege bandilidandu,

Hoovilla chigurilla hasirelegalilla ||

Hannelegaludurutiha baradu maragalaneri,

Kanneru surisutide kaananada hakki,

Tannaneya gaaliyali himadondu soneyali,

Bhinnavide maanavana jeeva sere sikki ||

Hemantanaalikeya kathina shasana vittu,

Adake talebaaguvude shrushtiyolu marma,

Ondondu ruthuvinali ondondu reetiyali,

Samsaara padeyuvude jeevigala dharma ||

ಭಾವಗೀತೆ 

ದುಂಬಿಗಳ ದನಿಯಿಲ್ಲ ಹಕ್ಕಿಗಳ ಹಾಡಿಲ್ಲ,

ಕುಸುಮ ಗಂಧವ ತರುವ ಮಾರುತನಿಲ್ಲ,

ಹೇಮಂತ ಋತುರಾಜ ಧರೆಗೆ ಬಂದಿಳಿದಂದು,

ಹೂವಿಲ್ಲ ಚಿಗುರಿಲ್ಲ ಹಸಿರೆಲೆಗಳಿಲ್ಲ ।।ಪ।।

ಹಣ್ಣೆಲೆಗಳುದುರುತಿಹ ಬರಡು ಮರಗಳನೇರಿ,

ಕಣ್ಣೀರು ಸುರಿಸುತಿದೆ ಕಾನನದ ಹಕ್ಕಿ,

ತಣ್ಣನೆಯ ಗಾಳಿಯಲಿ ಹಿಮದೊಂದು ಸೋನೆಯಲಿ,

ಭಿನ್ನವಿದೆ ಮಾನವನ ಜೀವ ಸೆರೆ ಸಿಕ್ಕಿ ।।೧।।

ಹೇಮಂತನಾಳಿಕೆಯ ಕಠಿಣ ಶಾಸನವಿತ್ತು,

ಅದಕೆ ತಲೆಬಾಗುವುದೆ ಸೃಷ್ಟಿಯೊಳು ಮರ್ಮ,

ಒಂದೊಂದು ಋತುವಿನಲಿ ಒಂದೊಂದು ರೀತಿಯಲಿ,

ಸಂಸಾರ ಪಡೆಯುವುದೆ ಜೀವಿಗಳ ಧರ್ಮ ।।೨।।