Sirigereya Neeralli (ಸಿರಿಗೆರೆಯ ನೀರಲ್ಲಿ)

 Bhavageete

Sahitya: K S Narasimha Swamy

Song link: Click Here

Sirigereya Neeralli birida tavareyalli

Kempagi ninna hesaru

Gudiya gopuradalli mereva deepagalalli

Belakagi ninna hesaru

Joyisara holadolage kuniva kengaruvina

Kannalli ninna hesaru

Taya moleyalli karu tuti ittu chellisida

Halalli ninna hesaru

Hoo banada bisilalli nartisuva navilina

Daniyalli ninna hesaru

Hombale hoovinali horata parimaladalli

Uyyale ninna hesaru

Maretaga tutige barade moda mareyolage

Beladingalo ninna hesaru

Nenedaga kanna mundella hunnimeyolage

Hoo bana ninna hesaru

ಭಾವಗೀತೆ 

ಸಿರಿಗೆರೆಯ ನೀರಲ್ಲಿ ಬಿರಿದ ತಾವರೆಯಲ್ಲಿ 

ಕೆಂಪಾಗಿ ನಿನ್ನ ಹೆಸರು 

ಗುಡಿಯ ಗೋಪುರದಲ್ಲಿ ಮೆರೆವ ದೀಪಗಳಲ್ಲಿ 

ಬೆಳಕಾಗಿ ನಿನ್ನ ಹೆಸರು 

ಜೋಯಿಸರ ಹೊಲದೊಳಗೆ ಕುಣಿವ ಕೆಂಗರುವಿನ 

ಕಣ್ಣಲ್ಲಿ ನಿನ್ನ ಹೆಸರು 

ತಾಯ ಮೊಲೆಯಲ್ಲಿ ಕರು ತುಟಿ ಇಟ್ಟು ಚೆಲ್ಲಿಸಿದ 

ಹಾಲಲ್ಲಿ ನಿನ್ನ ಹೆಸರು 

ಹೂ ಬನದ ಬಿಸಿಲಲ್ಲಿ ನರ್ತಿಸುವ ನವಿಲಿನ 

ದನಿಯಲ್ಲಿ ನಿನ್ನ ಹೆಸರು 

ಹೊಂಬಾಳೆ ಹೂವಿನಲಿ ಹೊರಟ ಪರಿಮಳದಲ್ಲಿ 

ಉಯ್ಯಾಲೆ ನಿನ್ನ ಹೆಸರು 

ಮರೆತಾಗ ತುಟಿಗೆ ಬಾರದೆ ಮೋಡ ಮರೆಯೊಳಗೆ 

ಬೆಳದಿಂಗಳೋ ನಿನ್ನ ಹೆಸರು 

ನೆನೆದಾಗ ಕಣ್ಣ ಮುಂದೆಲ್ಲ ಹುಣ್ಣಿಮೆಯೊಳಗೆ 

ಹೂ ಬಾಣ ನಿನ್ನ ಹೆಸರು