Neralu (ನೆರಳು)

ಪದ್ಯ 

ಸಾಹಿತ್ಯ : ಸರೋಜಿನಿ ಮಹಿಷಿ 

ನನ್ನ  ನೆರಳು ನನ್ನ ಹಿಂದೆ 

ಎಲ್ಲಿ ಹೋಗೆ ಬರುವುದು 

ದೊಡ್ಡ ನೆರಳು ಚಿಕ್ಕದಾಗಿ 

ಬೆನ್ನು ಬಿಡದೆ ಇರುವುದು 

ಚಿಕ್ಕ ನೆರಳು ದೊಡ್ಡದಾಗಿ 

ಮತ್ತೆ ಹಿಂದೆ ಬರುವುದು 

ನಾನು ಕೆಂಪು ಆದರೆನ್ನ 

ನೆರಳು ಕಪ್ಪು ಇರುವುದು 

ಕಣ್ಣು ಕಿವಿ ಮೂಗು ಬಾಯಿ 

ಎನ್ನ ನೆರಳಿಗಿರುವುವು 

ಆದರೇನು ಮಾತುಕತೆ -

ತಿಂಡಿ ಅದಕೆ ಇಲ್ಲವು 

ನನ್ನ ಜೊತೆಗೆ ಯಾರೆ ಇರಲಿ 

ನೆರಳು ಬೆನ್ನು ಬಿಡದಲೆ 

ಎಲ್ಲೆಯಿರಲಿ ಬದುಕದದುವು 

ನಾನು ಜೊತೆಗೆ ಇರದಲೆ 

ಮರದ ನೆರಳು ಜನಕೆ ಹಿತವು 

ನಿತ್ಯ ತಂಪನೀವುದು 

ಎಮ್ಮ ನೆರಳು ಎಮ್ಮ ಗೂಡ 

ಯಾರ ಹಿತವ ಬಯಸದು. 

Padya

Nanna neralu nanna hinde

Elli hoge baruvudu

Dodda neralu chikkadaagi

Bennu bidade iruvudu

Chikka neralu doddadaagi

Matte hinde baruvudu

Naanu kempu aadarenna

Neralu kappu iruvudu

Kannu kivi moogu baayi

Enna neraligiruvuvu

Aadarenu maatukate-

Tindi adake illavu

Nanna jothege yaare irali

Neralu bennu bidadale

Elleyirali badukadaduvu

Naanu jothege iradale

Marada neralu janake hitavu

Nitya tampaneevudu

Emma neralu emma gooda

Yaara hitava bayasadu.

         

Kannada Kannada Barri Namma Sangada (ಕನ್ನಡ ಕನ್ನಡ ಬರ್ರಿ ನಮ್ಮ ಸಂಗಡ)

ಪದ್ಯ 

ಸಾಹಿತ್ಯ :ಚಂದ್ರಶೇಖರ ಪಾಟೀಲ (ಚಂಪಾ)

ಎಲ್ಲೆಲ್ಲೂ ಉಸಿರಬೇಕು 

ನಮ್ಮ ನುಡಿ ಕನ್ನಡ 

ಸಿರಿನಾಡನು ಕಟ್ಟಲಿಕ್ಕೆ 

ಬರ್ರಿ ನಮ್ಮ ಸಂಗಡ 

ಕೈಯ ತುಂಬ ಕೆಲಸ ಬೇಕು

ಬೇಕು ಹೊಟ್ಟೆಗನ್ನ 

ಅಕ್ಷರಗಳ ಕನ್ನ ಕೊರೆದು 

ಬರಲಿ ಅರಿವು - ಚಿನ್ನ 

ಮೈಯ ತುಂಬ ಬಟ್ಟೆ ಬೇಕು

ನೆತ್ತಿಗೊಂದು ಆಸರ 

ಭೂಮಿ ತುಂಬ ಬಿತ್ತಬೇಕು 

ತನ್ನ ಬೆಳಕು ನೇಸರ 

ತಲೆಯ ತುಂಬ ಬೆಂಕಿ ತುಂಬಿ 

ಮಿಂಚಬೇಕು ಕಂಗಳು 

ಎದೆಯ ತುಂಬಿ ತುಳುಕಬೇಕು 

ಪ್ರೀತಿಯ ಬೆಳದಿಂಗಳು 

ಇಂಥ ನಾಡು ಕಟ್ಟಬೇಕು 

ಬರ್ರಿ ನಮ್ಮ ಸಂಗಡ 

ಎಲ್ಲೆಲ್ಲೂ ಮೊಳಗಬೇಕು 

ಕನ್ನಡ ಕನ್ನಡ 

ಕನ್ನಡ ಕನ್ನಡ ಬರ್ರಿ ನಮ್ಮ ಸಂಗಡ. 

Padya

Ellellu usirabeku

namma nudi kannada

sirinaadanu kattalikke

barri namma sangada

kaiya tumba kelasa beku

Beku hotteganna

aksharagala kanna koredu

barali arivu - chinna

Maiya tumba batte beku

Nettigondu aasara

Bhumi tumba bittabeku

tanna belaku nesara

taleya tumba benki tumbi

minchabeku kangalu

Edeya tumbi tulukabeku

Preetiya beladingalu

Intha naadu kattabeku

Barri namma sangada

Ellellu molagabeku

Kannada kannada

Kannada kannada barri namma sangada.

                

Surimale Guttu (ಸುರಿಮಳೆ ಗುಟ್ಟು)

ಪದ್ಯ 

ಸಾಹಿತ್ಯ : ಬ. ಬೀ. ನಾಗನೂರ 

ಮುಗಿಲೊಳಗಿಂದ 

ಭೂಮಿಯ ಮೇಲೆ 

ನೀರನು ಸುರಿವರು ಯಾರಣ್ಣ?

ಮುಗಿಲಿನ ಮರೆಗೆ 

ಯಾರೂ ಇಲ್ಲ 

ಸುರಿವುದು ನೀರು ಹೇಗೆಣ್ಣ ?

ಆಗಸದಿಂದ 

ಭೂಮಿಗೆ ನೀರು 

ಬೀಳುವ ಬಗೆಯ ಹೇಳುವೆ ತಮ್ಮಾ 

ಭೂಮಿಯ ಮೇಲೆ 

ನೀರಿನ ಮೂಲ 

ಕೆರೆ ಹೊಳೆ ಹಳ್ಳ ಸಾಗರ ತಮ್ಮಾ 

ಸೂರ್ಯನ ಬಿಸಿಲಿಗೆ 

ಕಾಯುತ ಉಗಿಯ 

ರೂಪದಿ ಮೇಲಕೆ ಹೋಗುವುದು 

ನೀರಿನ ಉಗಿಯು 

ಮೇಲಕೆ ಏರಿ 

ನೀರದು ತಾ ಹೇಗಾಗುವುದಣ್ಣ ?

ಜಲದಾ ಉಗಿಯು 

ಒಂದೆಡೆ ಸೇರಿ 

ಮೋಡಗಳಾಗಿ ತೇಲುವುವು 

ತಣ್ಣನೆ ಗಾಳಿ 

ಬಾನಿಗೆ ತಾಗೆ 

ಕರಗುತ ಕೂಡಲೆ ನೀರಾಗುವುದು 

ಮಂಜಿನ ಗಡ್ಡೆ 

ಕರಗುವ ತೆರದಿ 

ಭೂಮಿಗೆ ರಪರಪ ಬೀಳುವುದು 

ಬೀಳುವ ಇಂಥ 

ನೀರಿಗೆ ನಾವು 

ಸುರಿಮಳೆ ಎಂದು ಕರೆಯುವೆವು 

Padya

Mugilolaginda

Bhumiya mele

Neeranu surivaru yaaranna?

Mugilina marege

Yaaru illa

Surivudu neeru heganna?

Aagasadinda

Bhumige neeru

Beeluva bageya heluve tamma

Bhumiya mele

Neerina moola

Kere hole halla sagara tamma

Suryana bisilige

Kaayuta ugiya

Rupadi melake hoguvudu

Neerina ugiyu

Melake eri

Neeradu taa hegaguvudanna?

Jaladaa ugiyu

Ondede seri

Modagalaagi teluvuvu

Tannane gaali

Baanige taage

Karaguta kudale neeraguvudu

Manjina gadde

Karaguva teradi

Bhumige raparapa beeluvudu

Beeluva intha

Neerige naavu

surimale endu kareyuvevu

           

Raitanaaguve (ರೈತನಾಗುವೆ)

ಪದ್ಯ 

ಸಾಹಿತ್ಯ : ಎ. ಕೆ. ರಾಮೇಶ್ವರ 

ಅಪ್ಪನೊಡನೆ ಹೊಲಕೆ ಹೋಗಿ 

ದಿನವು ದುಡಿಯುವೆ 

ದುಡಿದು ದಣಿದು ದಿನವು ನಾನು 

ಬೆವರು ಸುರಿಸುವೆ. 

ಕರಿಯ ಬಿಳಿಯ ಎತ್ತು ಹೂಡಿ 

ಕುಂಟಿ ಹೊಡೆಯುವೆ 

ತಾಸು ಹೊತ್ತು ಏರಿ ಬರಲು 

ನ್ಯಾರಿ ಮಾಡುವೆ. 

ಅವ್ವ ನನಗೆ ನುಚ್ಚು ರೊಟ್ಟಿ 

ಬುತ್ತಿ ತರುವಳು 

ನೆನೆದ ಕಾಳು ಉಳ್ಳೆಗಡ್ಡಿ 

ಅದರಲಿಡುವಳು. 

ಎರೆಯ ಹೊಲವ ಉತ್ತಿದಾಗ 

ಎತ್ತು ದಣಿಯಲು 

ಕೊರಳ ಕುಣಿಕೆ ಬಿಚ್ಚಿ ಬಿಡುವೆ 

ಹಸಿರು ಮೇಯಲು. 

ಒಂದೇ ಮನದಿ ಭೂಮಿಯಲ್ಲಿ 

ನಿಂದು ದುಡಿಯುವೆ 

ರೈತ ಜಗದ ಬೆನ್ನಿನೆಲುವು 

ಎಂದು ಹಾಡುವೆ. 

Padya

Appanodane holake hogi

Dinavu dudiyuve

Dudidu danidu dinavu naanu

Bevaru surisuve.

Kariya biliya ettu hoodi

Kunti hodeyuve

Taasu hottu eri baralu

Nyari maaduve.

Avva nanage nucchu rotti

Butti taruvalu

Neneda kaalu ullegaddi

Adaraliduvalu

Ereya holava uttidaaga

Ettu daniyalu

Korala kunike bicchi biduve

Hasiru meyalu.

Onde manadi bhumiyalli

Nindu dudiyuve

Raita jagada bennineluvu

Endu haaduve.

        

Tengu (ತೆಂಗು)

ಪದ್ಯ 

ಸಾಹಿತ್ಯ : ಜಿ. ಪಿ. ರಾಜರತ್ನಂ 

ನೇರವಾಗಿ ತಲೆಯೆತ್ತಿ 

ಬೆಳೆಯುವವ ನಾನು !

ನಾರಿಕೇಳ ! ಕಲ್ಪವೃಕ್ಷ 

ತೆಂಗಿನ ಮರ ನಾನು !

ರೆಂಬೆಯಿಲ್ಲ ! ಕೊಂಬೆಯಿಲ್ಲ !

ತಲೆಯ ತುಂಬ ಗರಿ !

ನಡುನಡುವೆ ಕಾಯ್ ಗೊಂಚಲು !

ನೋಡಿದೀಯ ಮರಿ ?

ಕೆಳಗೆ ಉಪ್ಪು ನೀರು ಕುಡಿವೆ !

ಮೇಲೆ ಎಳನೀರು ಕೊಡುವೆ !

ನಾನಿಲ್ಲದೆ ಅಡಿಗೆಯಿಲ್ಲ !

ತಿಂದಿದೀಯ ಕೊಬರಿಬೆಲ್ಲ ?

ತಾಂಬೂಲಕೆ ನಾನೆ ಫಲ !

ಹೊರಗೆ ಕರಟ, ಒಳಗೆ ಜಲ !

ನನ್ನ ಹಾಗೇ ನೀನೂ ಬೆಳಿ !

Padya

Neravaagi taleyetti

Beleyuvava naanu!

Naarikela! kalpavruksha

Tengina mara naanu!

Rembeyilla! kombeyilla!

Taleya tumba gari!

Nadunaduve kai gonchalu!

Nodideeya mari?

Kelage uppu neeru kudive!

Mele elaneeru koduve!

Naanillade adigeyilla!

Tindideeya kobaribella?

Tambulake naane phala!

horage karata, olage jala!

Nanna nodi neenu kali!

Nanna haage neenu beli!

         

Muddina Karu (ಮುದ್ದಿನ ಕರು)

 ಪದ್ಯ 

ಸಾಹಿತ್ಯ : ಜಂಬುನಾಥ ಕಂಚ್ಯಾಣಿ 

ನನ್ನಯ ಮುದ್ದಿನ ಆಕಳ ಕರುವು 

ಸುಂದರ ಕಾಣುವುದು . 

ಬೆಳ್ಳಿಯ ಬೆಳಕಿನ ಬಣ್ಣವ ತೊಟ್ಟು 

ಬಳುಕುತ ನಡೆಯುವುದು. 

ಗೌರಿಯು ಅಂಬಾ ಎನ್ನಲು ಕಣ್ಣನು 

ಅರಳಿಸಿ ನೋಡುವುದು. 

ಕುಣಿಕೆಯ ಬಿಚ್ಚಲು ಓಡುತ ತಾಯಿಯ 

ಮಡಿಲನು ಸೇರುವುದು. 

ಹೊಟ್ಟೆಯು ತುಂಬಲು ಬಾಲವ ನಿಮಿರಿಸಿ 

ಚಂಗನೆ ಹಾರುವುದು. 

ಕೊರಳಿಗೆ ಕಟ್ಟಿದ ಗೆಜ್ಜೆಯ ನಾದಕೆ 

ಹೆಜ್ಜೆಯ ಹಾಕುವುದು. 

ಅಕ್ಕನ ಕಂಡರೆ ಅಕ್ಕರೆಯಿಂದಲಿ 

ಬಳಿಯಲಿ ಓಡುವುದು. 

ಅಮ್ಮನು ತಿನಿಸನು ಕೊಟ್ಟರೆ ಗಬಗಬ 

ತಿನ್ನುತ ನಲಿಯುವುದು. 

Padya

Nannaya muddina aakala karuvu

Sundara kaanuvudu.

Belliya belakina bannava tottu

Balukuta nadeyuvudu.

Gouriyu ambaa ennalu kannanu

Aralisi noduvudu.

Kunikeua bicchalu oduta taayiya

Madilanu seruvudu.

Hotteyu tumbalu baalava nimirisi

Changane haaruvudu.

Koralige kattida gejjeya naadake

Hejjeya haakuvudu.

Akkana kandare akkareyindali

Baliyali oduvudu.

Ammanu tinisalu kottare gabagaba

Tinnuta naliyuvudu.

           

Bharatada Bhagyaravi (ಭಾರತದ ಭಾಗ್ಯರವಿ)

ಪದ್ಯ 

ಸಾಹಿತ್ಯ : ತೀ. ನಂ. ಶ್ರೀಕಂಠಯ್ಯ 

ಇಳೆಗಹಿಂಸೆಯ ಪರಮ ತತ್ವವನು ತೋಳೆತ್ತಿ,

ಉಸಿರ ಬಲವುಳ್ಳನ್ನಕ ಸಾರಿದ ಗುರು ;

ದರ್ಪವನು ಧೈರ್ಯ ದಲಿ, ಶಸ್ತ್ರವನ್ನು ಸಹನೆಯಲಿ,

ಶಠತೆಯನು ಸತ್ಯದಲಿ ಜಯಿಸಿದ ಕಲಿ ;

ಹುಡಿಯ ಹುಳುಗಳನೆತ್ತಿ  ವಜ್ರ ಹೃದಯವ ಬಿತ್ತಿ 

ವೀರ ಜನ್ಮವನಿತ್ತ ಹಿರಿಯ ತಂದೆ ;

ನೆಲದ ನಡವಳಿಕೆಯಲಿ ನಾಕದೌನ್ನತ್ಯವನು 

ಮೇಳವಿಸಿ ತೋರಿದ ಪವಾಡ ಪುರುಷ ;

ಪ್ರೇಮ ಸಂಸ್ಥಾಪನೆಯ ವಿಶ್ವಜಿದ್ಯಜ್ಞದಲಿ 

ಪ್ರಾಣ ಪೂರ್ಣಾಹುತಿಯನಿತ್ತ ದಾನಿ ;

ಭಾರತದ ಭಾಗ್ಯರವಿ ; ದೀನದಲಿತರ ರಕ್ಷೆ ;

ವಿಮಲ ಧರ್ಮದ ವಾಣಿ ; ಜನತೆಯ೦ತಃಸಾಕ್ಷಿ ;

ಸರ್ವೋದಯದ ಸೂತ್ರಧಾರಿ ಗಾಂಧಿ !

Padya

Ilegahimseya parama tatvavanu toletti

Usira balavullanaka saarida guru;

Darpavanu dhairyadali, shastravanu sahaneyali

Shattateyanu satyadali jayisida kali;

Hudiya hulugalanetti vajra hrudayava bitti

Veera janmavanitta hiriya tande;

Nelada nadavalikeyali naakadounnatyavanu

Melavisi torida pavaada purusha;

Prema samstapaneya vishwajidyajnadali

Prana poornahutiyanitta daani;

Bharatada bhagyaravi; deenadalitara rakshe;

Vimala dharmada vaani, janateyantah sakshi;

Sarvodayada sutradhari gandhi!