Surimale Guttu (ಸುರಿಮಳೆ ಗುಟ್ಟು)

ಪದ್ಯ 

ಸಾಹಿತ್ಯ : ಬ. ಬೀ. ನಾಗನೂರ 

ಮುಗಿಲೊಳಗಿಂದ 

ಭೂಮಿಯ ಮೇಲೆ 

ನೀರನು ಸುರಿವರು ಯಾರಣ್ಣ?

ಮುಗಿಲಿನ ಮರೆಗೆ 

ಯಾರೂ ಇಲ್ಲ 

ಸುರಿವುದು ನೀರು ಹೇಗೆಣ್ಣ ?

ಆಗಸದಿಂದ 

ಭೂಮಿಗೆ ನೀರು 

ಬೀಳುವ ಬಗೆಯ ಹೇಳುವೆ ತಮ್ಮಾ 

ಭೂಮಿಯ ಮೇಲೆ 

ನೀರಿನ ಮೂಲ 

ಕೆರೆ ಹೊಳೆ ಹಳ್ಳ ಸಾಗರ ತಮ್ಮಾ 

ಸೂರ್ಯನ ಬಿಸಿಲಿಗೆ 

ಕಾಯುತ ಉಗಿಯ 

ರೂಪದಿ ಮೇಲಕೆ ಹೋಗುವುದು 

ನೀರಿನ ಉಗಿಯು 

ಮೇಲಕೆ ಏರಿ 

ನೀರದು ತಾ ಹೇಗಾಗುವುದಣ್ಣ ?

ಜಲದಾ ಉಗಿಯು 

ಒಂದೆಡೆ ಸೇರಿ 

ಮೋಡಗಳಾಗಿ ತೇಲುವುವು 

ತಣ್ಣನೆ ಗಾಳಿ 

ಬಾನಿಗೆ ತಾಗೆ 

ಕರಗುತ ಕೂಡಲೆ ನೀರಾಗುವುದು 

ಮಂಜಿನ ಗಡ್ಡೆ 

ಕರಗುವ ತೆರದಿ 

ಭೂಮಿಗೆ ರಪರಪ ಬೀಳುವುದು 

ಬೀಳುವ ಇಂಥ 

ನೀರಿಗೆ ನಾವು 

ಸುರಿಮಳೆ ಎಂದು ಕರೆಯುವೆವು 

Padya

Mugilolaginda

Bhumiya mele

Neeranu surivaru yaaranna?

Mugilina marege

Yaaru illa

Surivudu neeru heganna?

Aagasadinda

Bhumige neeru

Beeluva bageya heluve tamma

Bhumiya mele

Neerina moola

Kere hole halla sagara tamma

Suryana bisilige

Kaayuta ugiya

Rupadi melake hoguvudu

Neerina ugiyu

Melake eri

Neeradu taa hegaguvudanna?

Jaladaa ugiyu

Ondede seri

Modagalaagi teluvuvu

Tannane gaali

Baanige taage

Karaguta kudale neeraguvudu

Manjina gadde

Karaguva teradi

Bhumige raparapa beeluvudu

Beeluva intha

Neerige naavu

surimale endu kareyuvevu

           

Raitanaaguve (ರೈತನಾಗುವೆ)

ಪದ್ಯ 

ಸಾಹಿತ್ಯ : ಎ. ಕೆ. ರಾಮೇಶ್ವರ 

ಅಪ್ಪನೊಡನೆ ಹೊಲಕೆ ಹೋಗಿ 

ದಿನವು ದುಡಿಯುವೆ 

ದುಡಿದು ದಣಿದು ದಿನವು ನಾನು 

ಬೆವರು ಸುರಿಸುವೆ. 

ಕರಿಯ ಬಿಳಿಯ ಎತ್ತು ಹೂಡಿ 

ಕುಂಟಿ ಹೊಡೆಯುವೆ 

ತಾಸು ಹೊತ್ತು ಏರಿ ಬರಲು 

ನ್ಯಾರಿ ಮಾಡುವೆ. 

ಅವ್ವ ನನಗೆ ನುಚ್ಚು ರೊಟ್ಟಿ 

ಬುತ್ತಿ ತರುವಳು 

ನೆನೆದ ಕಾಳು ಉಳ್ಳೆಗಡ್ಡಿ 

ಅದರಲಿಡುವಳು. 

ಎರೆಯ ಹೊಲವ ಉತ್ತಿದಾಗ 

ಎತ್ತು ದಣಿಯಲು 

ಕೊರಳ ಕುಣಿಕೆ ಬಿಚ್ಚಿ ಬಿಡುವೆ 

ಹಸಿರು ಮೇಯಲು. 

ಒಂದೇ ಮನದಿ ಭೂಮಿಯಲ್ಲಿ 

ನಿಂದು ದುಡಿಯುವೆ 

ರೈತ ಜಗದ ಬೆನ್ನಿನೆಲುವು 

ಎಂದು ಹಾಡುವೆ. 

Padya

Appanodane holake hogi

Dinavu dudiyuve

Dudidu danidu dinavu naanu

Bevaru surisuve.

Kariya biliya ettu hoodi

Kunti hodeyuve

Taasu hottu eri baralu

Nyari maaduve.

Avva nanage nucchu rotti

Butti taruvalu

Neneda kaalu ullegaddi

Adaraliduvalu

Ereya holava uttidaaga

Ettu daniyalu

Korala kunike bicchi biduve

Hasiru meyalu.

Onde manadi bhumiyalli

Nindu dudiyuve

Raita jagada bennineluvu

Endu haaduve.

        

Tengu (ತೆಂಗು)

ಪದ್ಯ 

ಸಾಹಿತ್ಯ : ಜಿ. ಪಿ. ರಾಜರತ್ನಂ 

ನೇರವಾಗಿ ತಲೆಯೆತ್ತಿ 

ಬೆಳೆಯುವವ ನಾನು !

ನಾರಿಕೇಳ ! ಕಲ್ಪವೃಕ್ಷ 

ತೆಂಗಿನ ಮರ ನಾನು !

ರೆಂಬೆಯಿಲ್ಲ ! ಕೊಂಬೆಯಿಲ್ಲ !

ತಲೆಯ ತುಂಬ ಗರಿ !

ನಡುನಡುವೆ ಕಾಯ್ ಗೊಂಚಲು !

ನೋಡಿದೀಯ ಮರಿ ?

ಕೆಳಗೆ ಉಪ್ಪು ನೀರು ಕುಡಿವೆ !

ಮೇಲೆ ಎಳನೀರು ಕೊಡುವೆ !

ನಾನಿಲ್ಲದೆ ಅಡಿಗೆಯಿಲ್ಲ !

ತಿಂದಿದೀಯ ಕೊಬರಿಬೆಲ್ಲ ?

ತಾಂಬೂಲಕೆ ನಾನೆ ಫಲ !

ಹೊರಗೆ ಕರಟ, ಒಳಗೆ ಜಲ !

ನನ್ನ ಹಾಗೇ ನೀನೂ ಬೆಳಿ !

Padya

Neravaagi taleyetti

Beleyuvava naanu!

Naarikela! kalpavruksha

Tengina mara naanu!

Rembeyilla! kombeyilla!

Taleya tumba gari!

Nadunaduve kai gonchalu!

Nodideeya mari?

Kelage uppu neeru kudive!

Mele elaneeru koduve!

Naanillade adigeyilla!

Tindideeya kobaribella?

Tambulake naane phala!

horage karata, olage jala!

Nanna nodi neenu kali!

Nanna haage neenu beli!

         

Muddina Karu (ಮುದ್ದಿನ ಕರು)

 ಪದ್ಯ 

ಸಾಹಿತ್ಯ : ಜಂಬುನಾಥ ಕಂಚ್ಯಾಣಿ 

ನನ್ನಯ ಮುದ್ದಿನ ಆಕಳ ಕರುವು 

ಸುಂದರ ಕಾಣುವುದು . 

ಬೆಳ್ಳಿಯ ಬೆಳಕಿನ ಬಣ್ಣವ ತೊಟ್ಟು 

ಬಳುಕುತ ನಡೆಯುವುದು. 

ಗೌರಿಯು ಅಂಬಾ ಎನ್ನಲು ಕಣ್ಣನು 

ಅರಳಿಸಿ ನೋಡುವುದು. 

ಕುಣಿಕೆಯ ಬಿಚ್ಚಲು ಓಡುತ ತಾಯಿಯ 

ಮಡಿಲನು ಸೇರುವುದು. 

ಹೊಟ್ಟೆಯು ತುಂಬಲು ಬಾಲವ ನಿಮಿರಿಸಿ 

ಚಂಗನೆ ಹಾರುವುದು. 

ಕೊರಳಿಗೆ ಕಟ್ಟಿದ ಗೆಜ್ಜೆಯ ನಾದಕೆ 

ಹೆಜ್ಜೆಯ ಹಾಕುವುದು. 

ಅಕ್ಕನ ಕಂಡರೆ ಅಕ್ಕರೆಯಿಂದಲಿ 

ಬಳಿಯಲಿ ಓಡುವುದು. 

ಅಮ್ಮನು ತಿನಿಸನು ಕೊಟ್ಟರೆ ಗಬಗಬ 

ತಿನ್ನುತ ನಲಿಯುವುದು. 

Padya

Nannaya muddina aakala karuvu

Sundara kaanuvudu.

Belliya belakina bannava tottu

Balukuta nadeyuvudu.

Gouriyu ambaa ennalu kannanu

Aralisi noduvudu.

Kunikeua bicchalu oduta taayiya

Madilanu seruvudu.

Hotteyu tumbalu baalava nimirisi

Changane haaruvudu.

Koralige kattida gejjeya naadake

Hejjeya haakuvudu.

Akkana kandare akkareyindali

Baliyali oduvudu.

Ammanu tinisalu kottare gabagaba

Tinnuta naliyuvudu.

           

Bharatada Bhagyaravi (ಭಾರತದ ಭಾಗ್ಯರವಿ)

ಪದ್ಯ 

ಸಾಹಿತ್ಯ : ತೀ. ನಂ. ಶ್ರೀಕಂಠಯ್ಯ 

ಇಳೆಗಹಿಂಸೆಯ ಪರಮ ತತ್ವವನು ತೋಳೆತ್ತಿ,

ಉಸಿರ ಬಲವುಳ್ಳನ್ನಕ ಸಾರಿದ ಗುರು ;

ದರ್ಪವನು ಧೈರ್ಯ ದಲಿ, ಶಸ್ತ್ರವನ್ನು ಸಹನೆಯಲಿ,

ಶಠತೆಯನು ಸತ್ಯದಲಿ ಜಯಿಸಿದ ಕಲಿ ;

ಹುಡಿಯ ಹುಳುಗಳನೆತ್ತಿ  ವಜ್ರ ಹೃದಯವ ಬಿತ್ತಿ 

ವೀರ ಜನ್ಮವನಿತ್ತ ಹಿರಿಯ ತಂದೆ ;

ನೆಲದ ನಡವಳಿಕೆಯಲಿ ನಾಕದೌನ್ನತ್ಯವನು 

ಮೇಳವಿಸಿ ತೋರಿದ ಪವಾಡ ಪುರುಷ ;

ಪ್ರೇಮ ಸಂಸ್ಥಾಪನೆಯ ವಿಶ್ವಜಿದ್ಯಜ್ಞದಲಿ 

ಪ್ರಾಣ ಪೂರ್ಣಾಹುತಿಯನಿತ್ತ ದಾನಿ ;

ಭಾರತದ ಭಾಗ್ಯರವಿ ; ದೀನದಲಿತರ ರಕ್ಷೆ ;

ವಿಮಲ ಧರ್ಮದ ವಾಣಿ ; ಜನತೆಯ೦ತಃಸಾಕ್ಷಿ ;

ಸರ್ವೋದಯದ ಸೂತ್ರಧಾರಿ ಗಾಂಧಿ !

Padya

Ilegahimseya parama tatvavanu toletti

Usira balavullanaka saarida guru;

Darpavanu dhairyadali, shastravanu sahaneyali

Shattateyanu satyadali jayisida kali;

Hudiya hulugalanetti vajra hrudayava bitti

Veera janmavanitta hiriya tande;

Nelada nadavalikeyali naakadounnatyavanu

Melavisi torida pavaada purusha;

Prema samstapaneya vishwajidyajnadali

Prana poornahutiyanitta daani;

Bharatada bhagyaravi; deenadalitara rakshe;

Vimala dharmada vaani, janateyantah sakshi;

Sarvodayada sutradhari gandhi!

                    

Bhajisu Bham Bham Bham (ಭಜಿಸು ಭಂ ಭಂ ಭಂ)

Movie: Cow Boy Kulla (1973)

Singer: SPB

Song link: Click Here

Bham bham bham..!

Bhajisu bham bham bham, om namah sivaya 

Endu japisidare illa apaya,

Nambu shivana punya charana, padeyo jnana maadi dhyana,

Namah shivaya, om namah shivaya om.. ||

Mannenu hannenu sadhuvige onde, hannanne tinnuvenu nimagaagi inde,

Hennenu gandenu sanyasigonde, bham bhom tat sat bham bhom tat sat

Hennenu gandenu sanyasigonde, hennanne bayasuvenu aanandadinde, bahm bham.. ||

Kaligaala mahimeyanu nanella balle, aagodu hogodu na arive ille, haan houdu

Bhuta pretagalannu balihaakaballe, dhom dhom dassa pussa koi kothar,

Bhuta pretagalannu balihaakaballe, dustarannu rakshisuve shistharannu bhakshisuve, aha haha

Dustarannu bhakshisuve, shistarannu rakshisuve bham bham ..||

ಚಿತ್ರಗೀತೆ 

ಭಂ ಭಂ ಭಂ 

ಭಜಿಸು ಭಂ ಭಂ ಭಂ, ಓಂ ನಮಃ ಶಿವಾಯ, 

ಎಂದು ಜಪಿಸಿದರೆ ಇಲ್ಲಾ ಅಪಾಯ, 

ನಂಬು ಶಿವನಾ ಪುಣ್ಯ ಚರಣಾ, ಪಡೆಯೋ ಜ್ಞಾನ ಮಾಡಿ ಧ್ಯಾನ, 

ನಮಃ ಶಿವಾಯ ಓಂ, ನಮಃ ಶಿವಾಯ ಓಂ ।।ಪ।।

ಮಣ್ಣೇನು ಹಣ್ಣೇನು ಸಾಧುವಿಗೆ ಒಂದೆ, ಹಣ್ಣನ್ನೇ ತಿನ್ನುವೆನು ನಿಮಗಾಗಿ ಇಂದೆ 

ಹೆಣ್ಣೇನು ಗಂಡೇನು ಸನ್ಯಾಸಿಗೊಂದೆ, ಭಂ ಭೂ೦ ತತ್ ಸತ್, ಭಂ ಭೂ೦ ತತ್ ಸತ್, 

ಹೆಣ್ಣೇನು ಗಂಡೇನು ಸನ್ಯಾಸಿಗೊಂದೆ, ಹೆಣ್ಣನ್ನೆ ಬಯಸುವೆನು ಆನಂದದಿಂದೆ ।।

ಕಲಿಗಾಲ ಮಹಿಮೆಯನು ನಾನೆಲ್ಲ ಬಲ್ಲೆ, ಆಗೋದು ಹೋಗೋದು ನಾ ಅರಿವೆ ಇಲ್ಲೆ, ಹಾಂ ಹೌದು 

ಭೂತ ಪ್ರೇತಗಳನ್ನು ಬಲಿಹಾಕಬಲ್ಲೆ, ಡಾಂ ಡೂಮ್ ಡಸ್ಸಾ ಪುಸ್ಸಾ ಕೊಯ್ ಕೊಠಾರ್ 

ಭೂತ ಪ್ರೇತಗಳನ್ನು ಬಲಿಹಾಕಬಲ್ಲೆ, ದುಷ್ಟರನ್ನು ರಕ್ಷಿಸುವೆ, ಶಿಷ್ಟರನ್ನು ಭಕ್ಷಿಸುವೆ, ಆಹಾ ಹಹ 

ದುಷ್ಟರನ್ನು ಭಕ್ಷಿಸುವೆ, ಶಿಷ್ಟರನ್ನು ರಕ್ಷಿಸುವೆ ಭಂ ಭಂ .. ।।

                                     

Chenna Ninna Kandenu Kanasalli (ಚೆನ್ನ ನಿನ್ನ ಕಂಡೆನು ಕನಸಲ್ಲಿ)

Movie: Cow Boy Kulla (1973)

Singers: P Susheela, Vani Jairam

Song link: Click Here

Chenna ninna kandenu kanasalli, nanne nanne koduvenu bayilli,

Notadi summane etake kolluve, muttina kaanike tandare gelluve ||

Ee gulabi beke, sharabu beke, ahaha vinoda beke, nidaanaveke,

Ee kaiyalli kaiyittu, kannalli kannittu, nannalli ondagu baa,

Jaane jaane ninnantha jaane, kaane kaane aa devara aane,

Maatali sneha, manasali droha, balle balle ninna aatava balle ||

Prema tumbida kangale anda, raaga bhava beretaaga chenda,

Taala melake natyavu chenda..aa, chum chum chananana (4) chum nananana..aa,

Jaane jaane ninnantha jaane, kaane kaane aa devara aane,

Maatali sneha, manasali droha, balle balle ninna aatava balle ||

Ee vayyari beke, ha singaari beke, aa maisoke beke ha matterabeke,

Olavu tumbida hooviruvalli, chalada mullige taanavelli,

Aa hoovantu neenalla, mullantu naanalla, ivanendu nannavane ||

ಚಿತ್ರಗೀತೆ 

ಚೆನ್ನ ನಿನ್ನ ಕಂಡೆನು ಕನಸಲ್ಲಿ, ನನ್ನೆ ನನ್ನೆ ಕೊಡುವೆನು ಬಾಯಿಲ್ಲಿ, 

ನೋಟದಿ ಸುಮ್ಮನೆ ಏತಕೆ ಕೊಲ್ಲುವೆ, ಮುತ್ತಿನ ಕಾಣಿಕೆ ತಂದರೆ ಗೆಲ್ಲುವೆ ।।ಪ।।

ಈ ಗುಲಾಬಿ ಬೇಕೆ ಶರಾಬು ಬೇಕೆ ಆಹಾಹಾ ವಿನೋದ ಬೇಕೆ ನಿದಾನವೇಕೆ, 

ಈ ಕೈಯಲ್ಲಿ ಕೈಯಿಟ್ಟು ಕಣ್ಣಲ್ಲಿ ಕಣ್ಣಿಟ್ಟು, ನನ್ನಲ್ಲಿ ಒಂದಾಗು ಬಾ, 

ಜಾಣೆ ಜಾಣೆ ನಿನ್ನಂಥ ಜಾಣೆ, ಕಾಣೆ ಕಾಣೆ ಆ ದೇವರ ಆಣೆ, 

ಮಾತಲಿ ಸ್ನೇಹ ಮನಸಲಿ ದ್ರೋಹ, ಬಲ್ಲೆ ಬಲ್ಲೆ ನಿನ್ನ ಆಟವ ಬಲ್ಲೆ ।।

ಪ್ರೇಮ ತುಂಬಿದ ಕಂಗಳೆ ಅಂದ, ರಾಗ ಭಾವ ಬೆರೆತಾಗ ಚೆಂದ, 

ತಾಳ ಮೇಳಕೆ ನಾಟ್ಯವು ಚೆಂದ.. ಆ, ಚುಂಚುಂ ಚನನನ ಚುಂಚುಂ ಚನನನ (೪) ಚುಂ ನನನನ.. ಆ,

ಜಾಣೆ ಜಾಣೆ ನಿನ್ನಂಥ ಜಾಣೆ, ಕಾಣೆ ಕಾಣೆ ಆ ದೇವರ ಆಣೆ, 

ಮಾತಲಿ ಸ್ನೇಹ ಮನಸಲಿ ದ್ರೋಹ, ಬಲ್ಲೆ ಬಲ್ಲೆ ನಿನ್ನ ಆಟವ ಬಲ್ಲೆ ।।

 ಈ ವೈಯ್ಯಾರಿ ಬೇಕೆ, ಹಾ ಸಿಂಗಾರಿ ಬೇಕೆ, ಆ ಮೈಸೋಕೆ ಬೇಕೆ ಹಾ ಮತ್ತೇರಬೇಕೇ, 

ಒಲವು ತುಂಬಿದ ಹೂವಿರುವಲ್ಲಿ, ಛಲದ ಮುಳ್ಳಿಗೆ ತಾಣವೆಲ್ಲಿ, 

ಆ ಹೂವಂತು ನೀನಲ್ಲ, ಮುಳ್ಳಂತು ನಾನಲ್ಲ, ಇವನೆಂದು ನನ್ನವನೆ ।।