Nanna Tota (ನನ್ನ ತೋಟ)

 ಪದ್ಯ 

ಸಾಹಿತ್ಯ: ಕಂಚ್ಯಾಣಿ ಶರಣಪ್ಪ 

ನನ್ನ ಮನೆಯ ಹಿತ್ತಲಲ್ಲಿ 

ನನ್ನ ಪುಟ್ಟ ತೋಟವು 

ನನ್ನ ತೋಟ ಎಂಥ ಮಾಟ 

ಇಲ್ಲ ಇದಕೆ ಸಾಟಿಯು ।।

ಬೇಲಿ ತುಂಬ ಹರಡಿಕೊಂಡ 

ಹಸಿರು ಹಾಲುಗುಂಬಳ 

ಎಲೆಯ ಹಾಸಿ ಕುಡಿಯ ಚಾಚಿ 

ಸೆಳೆಯುತಿಹುದು ಕಂಗಳ ।।

ಚಳ್ಳವರೆಯ ಚೆಲ್ಲುವರಿದು 

ಅಂದವಾಗಿ ಹರಡಿದೆ 

ತಂಗಿ ಗೊಂಬೆ ಮದುವೆಯಾಗಿ 

ಹಸಿರು ಹಂದರಾಗಿದೆ ।।

ತಾಯಿ ತೊಡೆಯ ಮೇಲೆ ಕುಳಿತು 

ನಗುವ ತೆರದಿ ಮಕ್ಕಳು 

ಚಿಕ್ಕ ಚಿಕ್ಕ ಮಡಿಗಳಲ್ಲಿ 

ಪುಟ್ಟ ಪುಟ್ಟ ಸಸಿಗಳು ।।

ಮಲ್ಲೆ ಜಾಜಿ ಚೆಂಗುಲಾಬಿ 

ಎಷ್ಟು ಬಗೆಯ ಹೂಗಳು 

ಚೆಂದವಾಗಿ ಅರಳಿ ಗಂಧ 

ಬೀರಿ ನಗುತಲಿರುವವು ।।

ಅವರೆ ಹೀರೆ ಚವಳೆ ಬೆಂಡೆ 

ಎಳೆಯ ಸವತೆ ಕಾಯ್ಗಳು 

ಅಮ್ಮ ಬಂದು ಕೊಯ್ದುಕೊಂಡು 

ಬುಟ್ಟಿ ತುಂಬ ಒಯ್ದಳು ।।

ಅಪ್ಪ ಊಟ ಮಾಡಿ ಬಂದು 

ಅತ್ತ ಇತ್ತ ನಡೆವನು 

ಕೆಲಸ ಮಾಡಿ ದುಡಿವ ದಣಿವ 

ಇಲ್ಲಿ ಕಳೆದುಕೊಳುವನು ।।

ನನ್ನ ತೋಟ ಚನ್ನ ತೋಟ 

ನೋಡಲೆಂದು ಚಂದ್ರನು 

ಚಿಕ್ಕ ಬಳಗದೊಡನೆ ಕೂಡಿ 

ಬಾನಿನಲ್ಲಿ ಬರುವನು ।।

Padya

Nanna maneya hittalalli

Nanna putta totavu

Nanna tota entha maata

Illa idake Saatiyu ||

Beli tumba haradikonda

Hasiru Haalugumbala

Eleya haasi kudiya chachi

Seleyutihudu kangala ||

Challavareya chelluvaridu

Andavaagi haradide

Tangi gombe maduveyaagi

Hasiru handaraagide ||

Taayi todeya mele kulitu

Naguva teradi makkalu

Chikka chikka madigalalli

Putta putta sasigalu ||

Malle jaaji chengulabi

Estu bageya hoogalu

Chendavaagi arali gandha

Beeri nagutaliruvavu ||

Avare heere chavale bende

Eleya savate kaigalu

Amma bandu koidukondu

Butti tumba oidalu ||

Appa oota maadi bandu

Atta itta nadevanu

Kelasa maadi dudida daniva

Illi kaledukoluvanu ||

Nanna tota chenna tota

Nodalendu chandranu

Chikka balagadodane koodi

Baninalli baruvanu ||