Nanna Iniyana Neleya (ನನ್ನ ಇನಿಯನ ನೆಲೆಯ )

 

Bhavageete

Sahitya: N S Laxminarayana bhatt

Song link:  Click Here

Nanna iniyana neleya

Balleyene

Hege tiliyali adanu

Hele neene

Iruve sariyuva saddu

Moggu tereyuva saddu

Manju suriyuva saddu

Kelaballa

Iruve sariyuva saddu

Moggu tereyuva saddu

Manju suriyuva saddu

Keluvavanu

Nanna moreyanu eke 

Kelanavanu ||nanna||

Giriya ettalu balla

Sharadi bhattisaballa

Gali usirane katti

Nilisaballa

Nanna sereyindeke bidisalolla ||nanna||

Neeru mugiladavanu

Mugilu maleyadavanu

Male biddu tene eddu

Tuguvavanu

Nanne alalanu eke ariyanavanu ||nanna||

ಭಾವಗೀತೆ 

ನನ್ನ ಇನಿಯನ ನೆಲೆಯ 

ಬಲ್ಲೆಯೇನೆ 

ಹೇಗೆ ತಿಳಿಯಲಿ ಅದನು 

ಹೇಳೇ ನೀನೆ 

ಇರುವೆ ಸರಿಯುವ ಸದ್ದು 

ಮೊಗ್ಗು ತೆರೆಯುವ ಸದ್ದು 

ಮಂಜು ಸುರಿಯುವ ಸದ್ದು 

ಕೇಳಬಲ್ಲ 

ಇರುವೆ ಸರಿಯುವ ಸದ್ದು 

ಮೊಗ್ಗು ತೆರೆಯುವ ಸದ್ದು 

ಮಂಜು ಸುರಿಯುವ ಸದ್ದು

ಕೇಳುವವನು 

ನನ್ನ ಮೊರೆಯನು ಏಕೆ ಕೇಳನವನು ।।ನನ್ನ।।

ಗಿರಿಯ ಎತ್ತಲು ಬಲ್ಲ 

ಶರಧಿ ಭತ್ತಿಸ ಬಲ್ಲ 

ಗಾಳಿ ಉಸಿರನೆ ಕಟ್ಟಿ 

ನಿಲಿಸಬಲ್ಲ 

ನನ್ನ ಸೆರೆಯಿಂದೇಕೆ ಬಿಡಿಸಲೊಲ್ಲ ।।ನನ್ನ।।

ನೀರು ಮುಗಿಲಾದವನು 

ಮುಗಿಲು ಮಳೆಯಾದವನು 

ಮಳೆ ಬಿದ್ದು ತೆನೆ ಎದ್ದು 

ತೂಗುವವನು 

ನನ್ನೀ ಅಳಲನು ಏಕೆ ಅರಿಯನವನು  ।।ನನ್ನ।।

                                       

Jaya Jaya Jaya Kannada Rajeshwari (ಜಯ ಜಯ ಜಯ ಕನ್ನಡ ರಾಜೇಶ್ವರಿ)

 

Nadageete

Sahitya: N S Lakshminarayana Bhat

Song link: Click Here

Jaya jaya jaya kannada rajeshwari

Sharanu bande padake bhuvaneshwari

Pampana nudi minchina manimalege

Naranappa kadeda bhava jwalege

Shileye arali naguva kaleya leelege

Yaru samave tayi ninna cheluvige? ||jaya||

Shankara ramanujarali suliyuta

Madwara navachintanadali beleyuta

Basavannana neetige, allamaprabhu preetige

Namo enuve darshanagala jyothige ||jaya||

Kaveriya siripayirina hadige

Minchunage sharavatiya beedige

Virupaksha chamundiya jodige

Manide nooru vaibhavagala nadige ||jaya||

ನಾಡಗೀತೆ 

ಜಯ ಜಯ ಜಯ ಕನ್ನಡ ರಾಜೇಶ್ವರಿ 

ಶರಣು ಬಂದೆ ಪಾದಕೆ ಭುವನೇಶ್ವರಿ ।।ಪ ।।

ಪಂಪನ ನುಡಿ ಮಿಂಚಿನ ಮಣಿಮಾಲೆಗೆ 

ನಾರಣಪ್ಪ ಕಡೆದ ಭಾವಜ್ವಾಲೆಗೆ 

ಶಿಲೆಯೆ  ಅರಳಿ ನಗುವ ಕಲೆಯ ಲೀಲೆಗೆ 

ಯಾರು ಸಮವೆ ತಾಯಿ ನಿನ್ನ ಚೆಲುವಿಗೆ ? ।।೧।।

ಶಂಕರ ರಾಮಾನುಜರಲಿ ಸುಳಿಯುತ 

ಮಧ್ವರ ನವಚಿಂತನದಲಿ ಬೆಳೆಯುತ 

ಬಸವಣ್ಣನ ನೀತಿಗೆ , ಅಲ್ಲಮಪ್ರಭು ಪ್ರೀತಿಗೆ 

ನಮೋ ಎನುವೆ ದರ್ಶನಗಳ ಜ್ಯೋತಿಗೆ  ।।೨।।

ಕಾವೇರಿಯ ಸಿರಿಪಯಿರಿನ ಹಾಡಿಗೆ 

ಮಿಂಚುನಗೆ ಶರಾವತಿಯ ಬೀಡಿಗೆ 

ವಿರೂಪಾಕ್ಷ ಚಾಮುಂಡಿಯ ಜೋಡಿಗೆ 

ಮಣಿದೆ ನೂರು ವೈಭವಗಳ ನಾಡಿಗೆ  ।।೩।।

                                            

Balegara Chennayya (ಬಳೆಗಾರ ಚೆನ್ನಯ್ಯ )

 

Bhavageete

Sahitya: K S Narasimhaswamy

Song link: Click Here

Balegara chennayya bagilige bandihenu

Olage baralappaneye doreye?

Navilura maneyinda nudiyonda tandihenu-

Baleya todisuvudilla nimage.

Mudida malligeyaralu badilla, rayare

Tourinali tayi naguthiharu

Kudida niralugilla, koragadiri, rayare

Ammanige baleya todisidaru

Andu mangalavara navilura keriyali

Olagada saddu tumbittu

Baleya todisidarandu ammanige tourinali

Angalada tumba janavittu  ||balegara|

Sirigouriyante bandaru tayi hasemanege

Seraginali kanniranorasi

Sukhadolage nimma nenedaru tayi gunavante

Deepadali biduganna nilisi

Bekada hannihudu, hoovihudu tourinali

Hosa seere, ratnadhabharana

Tayi koraguvaralli neevilladurinali

Nimagilla ondu hani karuna. ||balegara||

Dinavada basuri ussendu nittusireledu

Kudiyabaradu nanna doreye

Hindabaradu dundu malligeya dandeyanu

Onagabaradu odala chilume

Mulisu mavana mele, magaleena madidalu?

Nimagetaki kallumanasu?

Hogi banniri omme; kai mugidu beduvenu

Ammanige nimmade kanasu

ಭಾವಗೀತೆ 

ಬಳೆಗಾರ ಚೆನ್ನಯ್ಯ ಬಾಗಿಲಿಗೆ ಬಂದಿಹೆನು 

ಒಳಗೆ ಬರಲಪ್ಪಣೆಯೆ ದೊರೆಯೇ ?

ನವಿಲೂರ ಮನೆಯಿಂದ ನುಡಿಯೊಂದ ತಂದಿಹೆನು 

ಬಳೆಯ ತೊಡಿಸುವುದಿಲ್ಲ ನಿಮಗೆ . 

ಮುಡಿದ ಮಲ್ಲಿಗೆಯರಳು ಬಾಡಿಲ್ಲ , ರಾಯರೇ 

ತೌರಿನಲಿ ತಾಯಿ ನಗುತಿಹರು,

ಕುಡಿದ ನೀರಲುಗಿಲ್ಲ, ಕೊರಗದಿರಿ , ರಾಯರೇ 

ಅಮ್ಮನಿಗೆ ಬಳೆಯ  ತೊಡಿಸಿದರು 

ಅಂದು ಮಂಗಳವಾರ ನವಿಲೂರ ಕೇರಿಯಲಿ 

ಓಲಗದ ಸದ್ದು ತುಂಬಿತ್ತು ;

ಬಳೆಯ ತೊಡಿಸಿದರಂದು ಅಮ್ಮನಿಗೆ ತೌರಿನಲಿ 

ಅಂಗಳದ ತುಂಬ ಜನವಿತ್ತು . ।।ಬಳೆಗಾರ ।।

ಸಿರಿಗೌರಿಯಂತೆ ಬಂದರು ತಾಯಿ ಹಸೆಮಣೆಗೆ 

ಸೆರಗಿನಲಿ ಕಣ್ಣೀರನೊರೆಸಿ ;

ಸುಖದೊಳಗೆ ನಿಮ್ಮ ನೆನೆದರು ತಾಯಿ ಗುಣವಂತೆ 

ದೀಪದಲಿ ಬಿಡುಗಣ್ಣ ನಿಲಿಸಿ  

ಬೇಕಾದ ಹಣ್ಣಿಹುದು ,ಹೂವಿಹುದು  ತೌರಿನಲಿ 

ಹೊಸ ಸೀರೆ ,ರತ್ನದಾಭರಣ ;

ತಾಯಿ ಕೊರಗುವರಲ್ಲಿ ನೀವಿಲ್ಲದೂರಿನಲಿ 

ನಿಮಗಿಲ್ಲ ಒಂದು ಹನಿ ಕರುಣ . ।।ಬಳೆಗಾರ ।।

ದಿನವಾದ ಬಸುರಿ ಉಸ್ಸೆಂದು ನಿಟ್ಟುಸಿರೆಳೆದು 

ಕುದಿಯಬಾರದು ನನ್ನ ದೊರೆಯೇ ;

ಹಿಂಡಬಾರದು ದುಂಡುಮಲ್ಲಿಗೆಯ ದಂಡೆಯನು 

ಒಣಗಬಾರದು ಒಡಲ ಚಿಲುಮೆ 

ಮುಳಿಸು ಮಾವನ ಮೇಲೆ ; ಮಗಳೇನ ಮಾಡಿದಳು ?

ನಿಮಗೇತಕೀ ಕಲ್ಲುಮನಸು ?

ಹೋಗಿ ಬನ್ನಿರಿ ಒಮ್ಮೆ ; ಕೈ ಮುಗಿದು ಬೇಡುವೆನು 

ಅಮ್ಮನಿಗೆ ನಿಮ್ಮದೇ ಕನಸು . 

Preeti Kotta Radhege (ಪ್ರೀತಿ ಕೊಟ್ಟ ರಾಧೆಗೆ )

 

Bhavageete

Sahitya: H S Venkatesha Murthy

Song link: Click Here

Preeti kotta radhege

Matu kotta madhava

Tannanitta kolalige

Raga tetta madhava

Gandha kotta hennige

Anda kotta madhava

Anna kotta bhaktage

Honna kotta madhava ||preeti kotta||

Halu kotta vidurage

Balu kotta madhava

Deha kotta mannige

Jeeva kotta madhava  ||preeti kotta||

ಭಾವಗೀತೆ 

ಪ್ರೀತಿ ಕೊಟ್ಟ ರಾಧೆಗೆ 

ಮಾತು ಕೊಟ್ಟ ಮಾಧವ 

ತನ್ನನಿತ್ತ ಕೊಳಲಿಗೆ 

ರಾಗ ತೆತ್ತ ಮಾಧವ ।।ಪ ।।

ಗಂಧ ಕೊಟ್ಟ ಹೆಣ್ಣಿಗೆ 

ಅಂದ ಕೊಟ್ಟ ಮಾಧವ 

ಅನ್ನ ಕೊಟ್ಟ ಭಕ್ತಗೆ 

ಹೊನ್ನ ಕೊಟ್ಟ ಮಾಧವ ।।೧।।

ಹಾಲು ಕೊಟ್ಟ ವಿದುರಗೆ 

ಬಾಳು ಕೊಟ್ಟ ಮಾಧವ 

ದೇಹ ಕೊಟ್ಟ ಮಣ್ಣಿಗೆ 

ಜೀವ ಕೊಟ್ಟ ಮಾಧವ ।।೨।। 

                        

Hesarayitu Karnataka Usiragali Kannada (ಹೆಸರಾಯಿತು ಕರ್ನಾಟಕ ಉಸಿರಾಗಲಿ ಕನ್ನಡ)

 

Nadageete

Sahitya: Chennaveera Kanavi

Song link: Click Here

Hesarayitu karnataka

Usiragali kannada

Hasigodeya haralinante

Husihogada kannada

Hoseda hage hurigolluva

Guri taguva kannada

Kuritodada parinata mati

Aritavarige hongoda

Padugadalina teregalante

Hede bicchuta moreyuva

Sahyadriya shikaradante

Banettara kareyuva ||1||

Gudigopura hongalasake

Chembelakina kannada

Nammellara maimanasina

Honganasina kannada ||2||

Tripadi inda sasira padi

Swachandada ullasa

Bhavageeta, mahakavya

Veeravinaya samarasa ||3||

Halli-ooru, nagara-jille

Mogada hogaru kannadi

Ella disegu chelluvarinda

Chaitanyada dangudi ||4||

ನಾಡಗೀತೆ 

ಹೆಸರಾಯಿತು ಕರ್ನಾಟಕ 

ಉಸಿರಾಗಲಿ ಕನ್ನಡ 

ಹಸಿಗೋಡೆಯ ಹರಳಿನಂತೆ 

ಹುಸಿಹೋಗದ ಕನ್ನಡ ।।ಪ ।।

ಹೊಸೆದ ಹಾಗೆ ಹುರಿಗೊಳ್ಳುವ 

ಗುರಿ ತಾಗುವ ಕನ್ನಡ 

ಕುರಿತೋದದ ಪರಿಣತ ಮತಿ 

ಅರಿತವರಿಗೆ ಹೊಂಗೂಡ ।।ಅನು ।।

ಪಡುಗಡಲಿನ ತೆರೆಗಳಂತೆ 

ಹೆಡೆ ಬಿಚ್ಚುತ ಮೊರೆಯುವ 

ಸಹ್ಯಾದ್ರಿಯ ಶಿಖರದಂತೆ 

ಬಾನೆತ್ತರ ಕರೆಯುವ ।।೧।। 

ಗುಡಿಗೋಪುರ ಹೊಂಗಳಸಕೆ 

ಚೆಂಬೆಳಕಿನ ಕನ್ನಡ 

ನಮ್ಮೆಲ್ಲರ ಮೈಮನಸಿನ 

ಹೊಂಗನಸಿನ ಕನ್ನಡ ।।೨।।

ತ್ರಿಪದಿಯಿಂದ ಸಾಸಿರ ಪದಿ 

ಸ್ವಚಂದದ ಉಲ್ಲಸ 

ಭಾವಗೀತ, ಮಹಾಕಾವ್ಯ 

ವೀರವಿನಯ ಸಮರಸ ।।೩।।

ಹಳ್ಳಿ - ಊರು, ನಗರ - ಜಿಲ್ಲೆ 

ಮೊಗದ ಹೊಗರು ಕನ್ನಡಿ 

ಎಲ್ಲ ದಿಸೆಗೂ ಚೆಲ್ಲುವರಿಂದ 

ಚೈತನ್ಯದ ದಾಂಗುಡಿ ।।೪।।

Hottito hottitu kannadada deepa (ಹೊತ್ತಿತೋ ಹೊತ್ತಿತು ಕನ್ನಡದ ದೀಪ )

Nadageete

Sahitya: Dr Siddayya Puranik

Song link: Click Here

Hottito hottitu kannadada deepa

Mugiyito mugiyitu shatamanagala shapa

Hottito hottitu kannadada deepa

Kannu kukkisuvante dedeepyamana

Harsha vukkisuvante shobayamana

Kannadada maneyage jyotirnidhana

Kannadada prana, kannadada mana

Hottito hottitu kannadada deepa

Urivavaru bekinnu idarenneyagi

Suduvavaru bekkinu nidubattiyagi

Dharisuvaru bekidanu sirihanateyagi

Nanniusiragi, dharmakke bagi

Hottito hottitu kannadada deepa

Chirakala belagali kannadada deepa

Janakella belakagi punyapradeepa

Bharatake balavagi bhavya pradeepa

Kaleyutta tapa belesutta saipa

Hottito hottitu kannadada deepa

ನಾಡಗೀತೆ 

ಹೊತ್ತಿತೋ ಹೊತ್ತಿತು ಕನ್ನಡದ ದೀಪ 

ಮುಗಿಯಿತೋ ಮುಗಿಯಿತು ಶತಮಾನಗಳ ಶಾಪ 

ಹೊತ್ತಿತೋ ಹೊತ್ತಿತು ಕನ್ನಡದ ದೀಪ ।।ಪ ।।

ಕಣ್ಣು ಕುಕ್ಕಿಸುವಂತೆ ದೇದೀಪ್ಯಮಾನ 

ಹರ್ಷವುಕ್ಕಿಸುವಂತೆ ಶೋಭಾಯಮಾನ 

ಕನ್ನಡದ ಮನೆಯಾಗೆ ಜ್ಯೋತಿರ್ನಿಧಾನ 

ಕನ್ನಡದ ಪ್ರಾಣ ಕನ್ನಡದ ಮಾನ 

ಹೊತ್ತಿತೋ ಹೊತ್ತಿತು ಕನ್ನಡದ ದೀಪ ।।೧।।

ಉರಿವವರು ಬೇಕಿನ್ನು ಇದರೆಣ್ಣೆಯಾಗಿ 

ಸುಡುವವರು ಬೇಕಿನ್ನು ನಿಡುಬತ್ತಿಯಾಗಿ 

ಧರಿಸುವರು ಬೇಕಿದನು ಸಿರಿಹಣತೆಯಾಗಿ 

ನನ್ನೀಯುಸಿರಾಗಿ ಧರ್ಮಕ್ಕೆ ಬಾಗಿ 

ಹೊತ್ತಿತೋ ಹೊತ್ತಿತು ಕನ್ನಡದ ದೀಪ ।।೨।।

ಚಿರಕಾಲ ಬೆಳಗಲಿ  ಕನ್ನಡದ ದೀಪ 

ಜನಕೆಲ್ಲ ಬೆಳಕಾಗಿ ಪುಣ್ಯ ಪ್ರದೀಪ 

ಭಾರತಕೆ ಬಲವಾಗಿ ಭವ್ಯ ಪ್ರದೀಪ 

ಕಳೆಯುತ್ತ ತಾಪ ಬೆಳೆಸುತ್ತ ಸೈಪ 

ಹೊತ್ತಿತೋ ಹೊತ್ತಿತು ಕನ್ನಡದ ದೀಪ ।।೩।।

Jai bharata jananiya tanujate (ಜಯ್ ಭಾರತ ಜನನಿಯ ತನುಜಾತೆ )

Nadageete

Sahitya: Kuvempu

Song link: Click Here

Jai bharata jananiya tanujate

Jaya he karnataka maate

Jai sundara nadi vanagala nade

Jaya he rasa rushigala beede

Bhudeviya makutada navamaniye

Gandhada chandada honnina ganiye

Raghava madhusudhanaravatarisida

Bharata jananiya tanujate

Jaya he karnataka maate

Jananiya jogula vedada ghosha

Jananige jeevavu ninnavesha

Hasurina girigala saale

Ninnaya koralina maale

Kapila patanjala goutama jinanuta

Bharata jananiya tanujate

Jaya he karnataka maate

Shankara ramanuja vidyaranya

Basaveshwara madwara divyaranya

Ranna shadakshari ponna

Pampa lakumipati janna

Kumaravyasara mangala dhama

Kavi kogilegala punya rama

Nanaka ramananda kabeerara

Bharata jananiya tanujate

Jaya he karnataka maate

Tailapa hoisalaralida nade

Dankana jakanara necchina beede

Krishna sharavati tunga

Kaveriya vara ranga

Chaitanya paramahamsa vivekara

Bharata jananiya tanujate

Jaya he karnataka maate

Sarva janangada shantiya tota

Rasikara kangala seleyuva nota

Hindu kraista musalmana

Parasika jainarudhyana

Janakana holuva doregala dhama

Gayaka vainikararama

Kannada nudi kunidaduva geha

Kannada tayiya makkala deha

Jai bharata jananiya tanujate

Jaya he karnataka maate

Jai sundara nadi vanagala nade

Jaya he rasa rushigala beede 

ನಾಡಗೀತೆ 

ಜಯ್ ಭಾರತ ಜನನಿಯ ತನುಜಾತೆ 

ಜಯ ಹೇ ಕರ್ನಾಟಕ ಮಾತೆ ।

ಜಯ್ ಸುಂದರ ನದಿ ವನಗಳ ನಾಡೆ, 

ಜಯ ಹೇ ರಸ ಋಷಿಗಳ ಬೀಡೆ ।

ಭೂದೇವಿಯ ಮಕುಟದ ನವಮಣಿಯೆ,

ಗಂಧದ ಚಂದದ ಹೊನ್ನಿನ ಗಣಿಯೆ; 

ರಾಘವ ಮಧುಸೂಧನರವತರಿಸಿದ 

ಭಾರತ ಜನನಿಯ ತನುಜಾತೆ, 

ಜಯ ಹೇ ಕರ್ನಾಟಕ ಮಾತೆ ।

ಜನನಿಯ ಜೋಗುಳ ವೇದದ ಘೋಷ,

ಜನನಿಗೆ ಜೀವವು ನಿನ್ನಾವೇಶ. 

ಹಸುರಿನ ಗಿರಿಗಳ ಸಾಲೆ 

ನಿನ್ನಯ ಕೊರಳಿನ ಮಾಲೆ.  

ಕಪಿಲ ಪತಂಜಲ ಗೌತಮ ಜಿನನುತ 

ಭಾರತ ಜನನಿಯ ತನುಜಾತೆ,

ಜಯ ಹೇ ಕರ್ನಾಟಕ ಮಾತೆ ।

ಶಂಕರ ರಾಮಾನುಜ ವಿದ್ಯಾರಣ್ಯ 

ಬಸವೇಶ್ವರ ಮಧ್ವರ ದಿವ್ಯಾರಣ್ಯ 

ರನ್ನ ಷಡಕ್ಷರಿ ಪೊನ್ನ 

ಪಂಪ ಲಕುಮಿಪತಿ ಜನ್ನ 

ಕುಮಾರವ್ಯಾಸರ ಮಂಗಳಧಾಮ।

ಕವಿ ಕೋಗಿಲೆಗಳ ಪುಣ್ಯಾರಾಮ 

ನಾನಕ ರಾಮಾನಂದ ಕಬೀರರ 

ಭಾರತ ಜನನಿಯ ತನುಜಾತೆ 

ಜಯ ಹೇ ಕರ್ನಾಟಕ ಮಾತೆ ।

ತೈಲಪ ಹೊಯ್ಸಳರಾಳಿದ ನಾಡೆ,

ಡಂಕಣ ಜಕಣರ ನೆಚ್ಚಿನ ಬೀಡೆ;

ಕೃಷ್ಣ ಶರಾವತಿ ತುಂಗಾ 

ಕಾವೇರಿಯ ವರ ರಂಗ.  

ಚೈತನ್ಯ ಪರಮಹಂಸ ವಿವೇಕರ 

ಭಾರತ ಜನನಿಯ ತನುಜಾತೆ, 

ಜಯ ಹೇ ಕರ್ನಾಟಕ ಮಾತೆ ।

ಸರ್ವ ಜನಾಂಗದ ಶಾಂತಿಯ ತೋಟ,

ರಸಿಕರ ಕಂಗಳ ಸೆಳೆಯುವ ನೋಟ.  

ಹಿಂದೂ ಕ್ರೈಸ್ತ ಮುಸಲ್ಮಾನ 

ಪಾರಸಿಕ ಜೈನರುದ್ಯಾನ.  

ಜನಕನ ಹೋಲುವ ದೊರೆಗಳ ಧಾಮ, 

ಗಾಯಕ ವೈಣಿಕರಾರಾಮ ।

ಕನ್ನಡ ನುಡಿ ಕುಣಿದಾಡುವ ಗೇಹ ।

ಕನ್ನಡ ತಾಯಿಯ ಮಕ್ಕಳ ದೇಹ ।

ಜಯ್ ಭಾರತ  ಜನನಿಯ ತನುಜಾತೆ, 

ಜಯ ಹೇ ಕರ್ನಾಟಕ ಮಾತೆ ।

ಜಯ್ ಸುಂದರ ನದಿ ವನಗಳ ನಾಡೆ, 

ಜಯ ಹೇ ರಸ ಋಷಿಗಳ ಬೀಡೆ ।